லங்காசிறி FM
பிரான்ஸில் 46 உருமாற்றம் கொண்ட புதிய வைரஸ் அடையாளம்; ஆராச்சியாளர்கள் பகீர் தகவல்!
Sulokshi
பிரான்சில், புதிய உருமாறிய கொரோனா வைரஸ் கண்டறியப்பட்டுள்ளதுடன் இது, 46 உருமாற்றங்களை கொண்டுள்ளதாக ஆராய்ச்சியாளர்கள் பகீர் தகவலை தெரிவித்துள்ளனர்.
அத்துடன் , இதன் மூலம், இதுவரை 12 பேர் பாதிக்கப்பட்டுள்ளதாகவும் கூறப்படுகிறது. உலகம் முழுவதும் ஒமைக்ரான் வகை கொரோனா வைரஸ் வேகமாக பரவி வருகிறது. இதனால், பல நாடுகளில் அடுத்த கொரோனா அலையின் தாக்கம் ஏற்பட்டுள்ளது.
இந்த ஒமைக்ரான் தொற்று, டெல்டா வைரசை விட அதிவேகமாக பரவி வருகிறது. இந்நிலையில், பிரான்ஸ் நாட்டில் உருமாறிய புதிய வகை கொரோனா வைரஸ் கண்டுபிடிக்கப்பட்டுள்ளதாக ஆராய்ச்சியாளர்கள் தெரிவித்துள்ளனர்.
மத்திய ஆப்ரிக்க நாடான கேமிரோனில் இருந்து வந்த பயணிக்கு முதன்முறையாக இந்த உருமாறிய கொரோனா கண்டறியப்பட்டுள்ளதாகவும், அவருடன் தொடர்பில் இருந்தவர்கள் என 12 பேருக்கு இந்த வகை கொரோனா உறுதி செய்யப்பட்டுள்ளதாகவும் அவர்கள் கூறியுள்ளனர்.
அதோடு கண்டறியப்பட்ட புது வரஸனது ஒமைக்ரானை விட அதிக பாதிப்பை ஏற்படுத்தும் எனக் கூறப்படுகிறது. அதேவேளை இது, 46 உருமாற்றங்களை கொண்டுள்ளதாக கூறும் ஆராய்ச்சியாளர்கள், ஐஎச்யு பி.1.640.2 என இந்த கொரோனா வைரசுக்கு பெயரிட்டுள்ளனர்.
எனினும் , பிரான்சில் கண்டுபிடிக்கப்பட்ட இந்த புதிய வகை கொரோனா பிற நாடுகளில் இன்னும் கண்டறியப்படவில்லை என்பதுடன், இது குறித்து உலக சுகாதார அமைப்பும் அதிகாரப்பூர்வ தகவல் எதையும் வெளியிடவில்லை என்பதும் இங்கு குறிப்பிடத்தக்கது.
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
