லங்காசிறி FM
அவையில் தனது அந்தரங்க படத்தைக் காண்பித்த நியூசிலாந்து எம்.பி லாரா மெக்லூர்
Sulokshi
நியூசிலாந்து எம்.பி. லாரா மெக்லூர், நாடாளுமன்றில் AI-யால் உருவாக்கப்பட்ட தனது அந்தரங்க படத்தைக் காட்சிப்படுத்தினார். தணிக்கை செய்யப்பட்ட இந்தப் படம், ஒரு எளிய கூகிள் தேடல் மூலம் அவர் கண்டறிந்த இலவச ஒன்லைன் கருவியைப் பயன்படுத்தி உருவாக்கப்பட்டது.
மே 14 அன்று நடந்த பாராளுமன்றக் கூட்டத்தொடரின் போது அவர் அந்த புகைப்படத்தை காட்சிப்படுத்தினார். எனினும் இது என்னுடைய அந்தரங்க படம், ஆனால் அது உண்மையானது அல்ல என்று கூறினார்.
இது என்னுடைய நிர்வாணப் படம், ஆனால் உண்மையானது அல்ல
எளிதில் அணுகக்கூடிய தொழில்நுட்பத்தைப் பயன்படுத்தி பல போலி வெளிப்படையான படங்களை உருவாக்க ஐந்து நிமிடங்களுக்கும் குறைவான நேரம் எடுத்ததாக அவர் விளக்கினார்.
சமூக ஊடகங்களில் ஒரு வீடியோவை வெளியிட்டு, பாராளுமன்றம் விரைவாகச் செயல்பட வலியுறுத்தினார்.
தொழில்நுட்பம் இயல்பாகவே மோசமாக இல்லாவிட்டாலும், மற்றவர்களை குறிப்பாக இளம் பெண்கள் மற்றும் டீனேஜர்களை சுரண்டுவதற்கும், துஷ்பிரயோகம் செய்வதற்கும் அது பயன்படுத்தப்படும் விதம் வளர்ந்து வரும் அச்சுறுத்தலாகும் என்று அவர் வலியுறுத்தினார்.
பிரச்சனை தொழில்நுட்பம் அல்ல, அது எவ்வாறு தவறாகப் பயன்படுத்தப்படுகிறது என்பதுதான். நமது சட்டங்கள் அதைக் கட்டுப்படுத்த வேண்டும் என்றும் நியூசிலாந்து எம்.பி. லாரா மெக்லூர் கூறினார்.
இந்நிலையில் நியூசிலாந்தில் உள்ள சட்ட மற்றும் தொழில்நுட்ப வல்லுநர்கள் மெக்லூரை ஆதரித்து வருகின்றனர். பெரும்பாலான டீப்ஃபேக் ஆபாசப் படங்கள் ஒப்புதல் இல்லாமல் தயாரிக்கப்படுகின்றன மற்றும் பெண்களை அதிகமாக குறிவைக்கின்றன என்று கூறுகின்றனர்.
அதேவேளை யாரும் டீப்ஃபேக் ஆபாசத்திற்கு ஆளாகக்கூடாது. இது ஒரு வகையான துஷ்பிரயோகம், மேலும் நமது காலாவதியான சட்டங்கள் மக்களைப் பாதுகாக்க உருவாக வேண்டும் என்று மெக்லூர் ஒரு அறிக்கையில் மேலும் கூறினார்.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
