யாழ்ப்பாண தமிழரான பேராசிரியருக்கு மன்னர் சார்லஸினால் கெளரவ பட்டம்! தமிழர்கள் பெருமை

யாழ்ப்பாண தமிழரான   பேராசிரியர் நிஷான் கனகராஜாவுக்கு மன்னர் சார்லஸினால் ‘நைட்’ (Knight) எனும் உயரிய பட்டம் வழங்கி கெளரவிக்கப்பட்டுள்ளமை தமிழர்களை பெருமை கொள்ள செய்துள்ளது.

இங்கிலாந்தின் வின்ட்சர் கோட்டையில் செவ்வாய்க்கிழமை (07) நடைபெற்ற சிறப்பு விழாவில், லெய்செஸ்டர் (Leicester) பல்கலைக்கழகத்தின் துணைவேந்தரும் இலங்கையில் பிறந்தவருமான பேராசிரியர் நிஷான் கனகராஜாவுக்கு மன்னர் சார்லஸினால் ‘நைட்’ (Knight) எனும் உயரிய பட்டம் வழங்கி கெளரவிக்கப்பட்டது.

 ‘நைட்’ (Knight) எனும் உயரிய பட்டம் 

உயர்கல்வித் துறையில், குறிப்பாக அனைவரையும் உள்ளடக்கிய சூழலை ஊக்குவிப்பதில் ஆற்றிய அளப்பரிய பங்களிப்பிற்காக, பேராசிரியர் கனகராஜா 2026-ஆம் ஆண்டிற்கான மன்னரின் புத்தாண்டு கௌரவப் பட்டியலில் அங்கீகரிக்கப்பட்டார்.

பட்டமளிப்பு நிகழ்வின் போது, பாரம்பரிய வழக்கப்படி முழங்காலிட்டிருந்த பேராசிரியர் கனகராஜின் தோள்களில் வாளினால் தொட்டு, பிரித்தானிய மன்னர் சார்ல்ஸ் அவருக்கு உத்தியோகபூர்வமாக இந்த கௌரவத்தை வழங்கினார்.

தனது மனைவி தாபியுடன் பட்டமளிப்பு விழாவுக்காக பெர்க்ஷயருக்குச் சென்றிருந்த பேராசிரியர் கனகராஜா ,

மன்னர் சார்லஸிடமிருந்து இந்தப் விருதைப் பெறுவதில் நான் மிகுந்த பெருமையும் நன்றியுணர்வும் கொள்கிறேன்.

எனது வெற்றிக்குக் காரணமாக இருந்த எனது அன்புக்குரிய நண்பர்கள், குடும்பத்தினர் மற்றும் முன்னாள் மற்றும் இந்நாள் சக ஊழியர்கள் எனப் பலரின் முயற்சிகளுக்குக் கிடைத்த அங்கீகாரமே இதுவாகும். இது ஏனையவர்களுக்கும் ஒரு உத்வேகமாக அமையும் என்று நான் நம்புகிறேன்.

ஒரு காலத்தில் போரினால் பாதிக்கப்பட்ட இலங்கையிலிருந்து வந்து, அரச குடும்பத்தினரின் அங்கீகாரத்தைப் பெறும் நிலையை அடைந்தது என்பது மிகவும் குறிப்பிடத்தக்க ஒரு பயணமாகும். கல்வியின் மாற்றத்தை உருவாக்கும் ஆற்றலும், அது வழங்கும் வாய்ப்புகளுமே இதைச் சாத்தியமாக்கியுள்ளன.

அதனால்தான், ஏனையவர்களும் தங்கள் முழுத் திறனையும் வெளிப்படுத்தி முன்னேறுவதற்குத் தடையாக உள்ள தடைகளை நீக்குவதில் நான் தொடர்ந்து உறுதியுடன் இருக்கிறேன்  என நெகிழ்ச்சியுடன் கூறியுள்ளார்.