லங்காசிறி FM
இதற்காக மட்டும் தான் உக்ரைன் மீது போர் தொடுக்கப்பட்டது: ரஷ்யா வெளியிட்ட தகவல்
Praveen
உக்ரைனில் அதிபர் செலன்ஸ்கி(Selenskyy) தலைமையிலான அரசை கவிழ்க்கும் எண்ணம் இல்லை என ரஷ்யா தெளிவுபடுத்தியுள்ளது.
உக்ரைன் பிரச்சினைக்கு தீர்வு காண்பது தொடர்பாக நடைபெற்று வரும் பேச்சுவார்த்தையில் முன்னேற்றம் ஏற்பட்டுள்ளதால் நாடு மகிழ்ச்சி அடைந்துள்ளது. ரஷ்ய வெளியுறவு அமைச்சக செய்தித் தொடர்பாளர் மரியா சரோவா(Maria Sarova) புதன்கிழமை கூறியதாவது,
உக்ரைனில் போரை முடிவுக்கு கொண்டு வருவதற்கான பேச்சுவார்த்தையில் சிறிய முன்னேற்றம் ஏற்பட்டுள்ளது.
பொதுமக்களை பாதுகாப்பான பகுதிகளுக்கு கொண்டு வர பாதுகாப்பு பாதையை அமைப்பது குறித்து உக்ரைன் தூதுக்குழுவுடன் மேலும் ஒரு சுற்று பேச்சுவார்த்தை நடத்தப்பட்டது. உக்ரைனின் தற்போதைய அரசை கவிழ்க்கும் நோக்கில் அங்கு எந்த இராணுவ நடவடிக்கையும் மேற்கொள்ளப்படவில்லை. "இது உக்ரைனின் இறையாண்மைக்கோ அல்லது அந்நாட்டு மக்களுக்கோ எதிரானது அல்ல என்பதை மீண்டும் தெளிவுபடுத்த விரும்புகிறேன்," என்று அவர் கூறினார்.
கடந்த மாதம் 24ம் திகதி உக்ரைன் மீது ராணுவ நடவடிக்கை எடுக்கப்படும் என ரஷ்ய அதிபர் விளாடிமிர் புடின் அறிவித்தபோதும் இதே கருத்தை தெரிவித்தார்.
இந்த நடவடிக்கை உக்ரைனை "நாஜி கட்டுப்பாட்டில்" இருந்து விடுவிப்பதை நோக்கமாகக் கொண்டது என்றார்.
மற்றொரு அறிக்கையில், உக்ரைன் ராணுவத்தில் உள்ள நாஜி ஆதரவுப் படைகளை ரஷ்யா தாக்கி வருவதாகவும், சாதாரண உக்ரேனிய வீரர்கள் மீது அத்தகைய நடவடிக்கை எடுக்கப்படவில்லை என்றும் புடின் நினைவு கூர்ந்தார்.
