பிரான்சில் ஊரடங்கு உத்தரவு நீடிப்பு!

Curfew France Protest

By Sulokshi Oct 21, 2026 01:18 PM GMT

Sulokshi

Report

வன்முறைப் போராட்டங்களுக்குப் பின்னர், இரவு நேரக் கட்டுப்பாடுகளால் அமைதி திரும்பியதைத் தொடர்ந்து பிரான்ஸ் முழுவதும் உள்ள அதிகாரிகள் செவ்வாய் (20) அன்று பகுதி ஊரடங்கு உத்தரவுகளை நீட்டித்தனர்.

திங்களன்று பல நகரங்களில் அமுல்படுத்தப்பட்ட ஊரடங்கு உத்தரவுகள் இரவு நேரத்தை அமைதியாக வைத்திருக்க உதவியுள்ளன என்றும், தேவைப்படும் இடங்களில் புதிய கட்டுப்பாடுகள் கொண்டுவரப்படும் என்றும் பிரதமர் செபாஸ்டியன் லெகோர்னு குறிப்பிட்டார்.

பிரான்சில் ஊரடங்கு உத்தரவு நீடிப்பு! | Protest France Has Not Imposed Lockdown

வாழ்க்கைச் செலவு உயர்வு மற்றும் பொதுச் சேவைகளின் சீரழிவு

வாழ்க்கைச் செலவு உயர்வு மற்றும் பொதுச் சேவைகளின் சீரழிவு ஆகியவற்றைக் கண்டித்து சனிக்கிழமை நடைபெற்ற போராட்டங்களில் லட்சக்கணக்கான மக்கள் வீதிகளில் இறங்கிய நிலையில், காவல்துறை அதிகாரிகள் நிலைமையின் மீதான கட்டுப்பாட்டை இழந்துவிட்டதாக அரசாங்கம் ஒப்புக்கொண்டதைத் தொடர்ந்து இந்த நடவடிக்கைகள் எடுக்கப்பட்டன.

இதேவேளை, ஒக்டோபர் 24 ஆம் திகதி நடைபெறவுள்ள புதிய போராட்டங்களுக்கு முன்னதாக, பெருமளவிலான காவல்துறையினரை ஈடுபடுத்துவதாக செபாஸ்டியன் லெகோர்னு உறுதியளித்துள்ளார்.

அதேநேரம், திங்கள்கிழமை மாலைக்குள் 2,500க்கும் மேற்பட்டோர் காவல்துறையின் காவலில் எடுக்கப்பட்டதாக நீதித்துறை அமைச்சர் ஜெரால்ட் டார்மானின் தெரிவித்தார். வன்முறையில், லிமோஜஸில் உள்ள ஒரு வரலாற்றுச் சிறப்புமிக்க நகர மண்டபம் எரிக்கப்பட்டதும், பரவலான கொள்ளையும் வணிக நிறுவனங்களுக்குச் சேதமும் ஏற்பட்டதும் அடங்கும்.