ரஷ்யா அதிபர் புடின் ஒரு மேதை; புகழ்ந்து தள்ளிய டிரம்ப்!

  ரஷ்யா- உக்ரைன் விவகாரம் உலகளவில் பரவலாக பேசப்பட்டுவரும் நிலையில், அமெரிக்க முன்னாள் அதிபர் டொனால்ட் டிரம்ப் (Donald Trump), ரஷ்ய அதிபர் விளாடிமிர் புதினை ( Vladimir Putin) மேதை என பாராட்டியுள்ளார்.

ரஷ்யா - உக்ரைன் இடையிலான எல்லைப் பிரச்னை நீண்ட காலமாக இருந்து வருகிறது. கடந்த 2014-ம் ஆண்டின்போது, உக்ரைனுக்கு சொந்தமான கிரிமியா தீபகற்பத்தை ரஷ்யா கைப்பற்றியது. தற்போது மீண்டும் உக்ரைன் எல்லையில் ரஷ்யா ராணுவத்தை குவித்து வருகிறது.

இது தொடர்பான சாட்டிலைட் புகைப்படங்களும் வெளியாகி பரபரப்பை ஏற்படுத்திய நிலையில் , கிழக்கு உக்ரைனில் உள்ள டோன்ஸ்டெக் மற்றும் லஹன்ஸ்சக் ஆகிய கிளர்ச்சியாளர்களால் ஆளும் பகுதிகளை சுதந்தரம் பெற்ற பகுதிகளை ரஷ்ய அதிபர் புதின் ( Vladimir Putin)   அறிவித்தார்.

உக்ரைனின் உள்விவகாரங்களில் ரஷ்யா தலையிட்டுள்ளதாக அமெரிக்கா உள்ளிட்ட நாடுகள் இந்த விவகாரத்தில் எதிர்ப்பு தெரிவித்து வருகின்றன. ஆனால், அமெரிக்கா முன்னாள் அதிபர் டொனால்ட் டிரம்ப் (Donald Trump ) ரஷ்ய அதிபர் புடினின் ( Vladimir Putin) இந்த நடவடிக்கையை புத்திசாலித்தனமானது என்று பாராட்டியுள்ளார். இது தொடர்பாக அவர் அளித்த பேட்டியில்,

” உக்ரைனின் ஒரு பெரும்பகுதியை சுதந்தரம் பெற்றதாக புடின் ( Vladimir Putin) அறிவித்துள்ளார். இது அற்புதமானது. அவர் ஒரு மேதை அவர் உள்ளே சென்று அமைதி ஏற்படுத்துபவராக இருக்க போகிறார் என டிரம்ப் (Donald Trump )  கூறினார்.

அத்துடன் அதுதான் வலிமையான அமைதிப் படை.  அதை நாம் நமது தெற்கு எல்லையில் பயன்படுத்தலாம். அதுதான் நான் பார்த்ததிலேயே வலிமையான அமைதிப் படை என்றும், அவர்கள் அமைதியை நிலைநாட்டப் போகிறார்கள். அவர் மிகவும் அறிவாளி எனவும் டிரம்ப் (Donald Trump ) கிலாகித்து கூறியுள்ளார்.

மேலும், எனக்கு புடினை நன்றாக தெரியும். நான் அவருடன் நன்றாகப் பழகியதாக கூறிய டிரம்ப் (Donald Trump ),  புடின் ( Vladimir Putin) சிறந்த வசீகரம் மற்றும் நிறைய பெருமைகளை பெற்றுள்ளார். அவர் தனது நாட்டை நேசிக்கிறார் என்றும் தெரிவித்தார்.