லங்காசிறி FM
லிவர்பூலில் ரயில் பெட்டிக்குள் பாலியல் வன்கொடுமை; புகைப்படத்தை வெளியிட்ட பொலிஸார்
லிவர்பூலில் , கடந்த ஏப்ரல் 25, 2026 அன்று இரவு 10 மணியளவில் புறப்பட்ட ரயில் பெட்டிக்குள் நடந்து சென்ற ஒரு நபர், அடையாளம் தெரியாத நபரால் பாலியல் வன்கொடுமைக்கு ஆளாக்கப்பட்ட சம்பவம் அதிர்ச்சியை ஏற்படுத்தியுள்ளது.
இந்த அதிர்ச்சித் தகவல் தற்போது வெளியே வந்துள்ள நிலையில், இச்சம்பவம் தொடர்பாகத் துப்பு துலக்கப் போலீசார் சிசிடிவி (CCTV) காட்சிகளை வெளியிட்டுள்ளனர்.
போலீசார் வழக்குப்பதிவு
அந்தப் புகைப்படத்தில் உள்ள நபருக்கு இந்தச் சம்பவம் குறித்து முக்கியத் தகவல்கள் தெரிந்திருக்கலாம் என நம்பப்படுவதால், அவரைத் தேடும் பணி முடுக்கிவிடப்பட்டுள்ளது.
பாதிக்கப்பட்ட நபர் அளித்த புகாரின் அடிப்படையில், பிரிட்டிஷ் போக்குவரத்து போலீசார் வழக்குப்பதிவு செய்து ஆதாரங்களைத் திரட்டி வருகின்றனர்.
சந்தேகத்திற்குரிய அந்த நபர், குட்டையான கரிய நிறத் தலைமுடி (நரை கலந்த), அடர்த்தியான தாடி மற்றும் வலது கையில் பெரிய டாட்டூ (Tattoo) வைத்திருப்பதாகத் தெரிகிறது.
சந்தேக நபர் வெள்ளை நிற டி-சர்ட் மற்றும் நீல நிற டெனிம் ஷார்ட்ஸ் அணிந்திருந்ததாகப் போலீசார் விவரித்துள்ளனர். பொதுமக்களிடையே இந்த நபர் குறித்துத் தகவல் தெரிந்தால் உடனடியாகத் தொடர்பு கொள்ளுமாறு கோரப்பட்டுள்ளது.
பிரிட்டன் ரயில்வேயில் அண்மைக்காலமாக இத்தகைய பாலியல் குற்றங்கள் அதிகரித்து வருவது பயணிகளிடையே பெரும் கவலையை ஏற்படுத்தியுள்ளது. கடந்த சில வாரங்களுக்கு முன்புதான், லண்டன் பிரிட்ஜ் ரயில் நிலையத்தில் ஒரு பெண் தொடரப்பட்ட சம்பவமும், நாட்டிங்ஹாம் ரயிலில் நடந்த மற்றொரு சீண்டல் வழக்கும் பெரும் பரபரப்பை ஏற்படுத்தின. “ரயில் பயணம் என்பது அனைவருக்கும் பாதுகாப்பானதாக இருக்க வேண்டும்.
இத்தகைய அத்துமீறல்கள் ஒருபோதும் பொறுத்துக்கொள்ளப்பட மாட்டாது” என்று போக்குவரத்து போலீசார் உறுதியளித்துள்ளனர். தற்போது வெளியிடப்பட்டுள்ள சிசிடிவி புகைப்படம் சமூக வலைதளங்களில் வேகமாகப் பரவி வருகிறது.
சந்தேக நபர் தொடர்பில் , 61016 என்ற எண்ணிற்கு குறுஞ்செய்தி அனுப்பவோ அல்லது 0800 40 50 40 என்ற எண்ணிற்கு அழைத்து 2600053472 என்ற குறிப்பு எண்ணைக் கூறவோ கேட்டுக்கொள்ளப்பட்டுள்ளது.
கரம்பொன், கிளிநொச்சி, யாழ்ப்பாணம், கொழும்பு, Ilford, United Kingdom, Mundesley, United Kingdom
25 Apr, 2026
