லங்காசிறி FM
விண்வெளியில் சுனிதா வில்லியம்ஸின் சிறுநீர், வியர்வை மறுசுழற்சி செய்யப்படுகின்றதா?
Shankar
சர்வதேச விண்வெளி நிலையத்திற்கு சுனிதா வில்லியம்ஸ், புட்ச் வில்மோர் ஆகியோர் சென்ற விண்கலத்தில் ஏற்பட்ட தொழிலநுட்ப கோளாறு காரணமாக சுமார் 5 மாதங்களுக்கு மேல் அவர்கள் விண்வெளியில் தங்கியிருக்கும் சூழ்நிலை ஏற்பட்டுள்ளது.
இதன்காரணமாக சுனிதா வில்லியம்ஸின் உடல்நிலை மிகவும் மோசமடைந்துள்ளதாக கூறப்பட்டது. சுனிதா வில்லியம்ஸ் எடை குறைந்து காணப்படுவதாக தெரிவிக்கப்பட்டது.
இதைத்தொடர்ந்து இருவருடைய உடல்நிலை தொடர்பில் நாசா மிகவும் உன்னிப்பாக கவனித்து வருகிறது.
சுனிதா வில்லியம்ஸ் உடல்நலம் மற்றும் உணவுகள் விசயத்தில் மிகவும் உன்னிப்பாக கவனித்துவரும் நிலையில், தண்ணீர் சரியான முறையில் பயன்படுத்துதல் மற்றும் அதிக அளவிலான கழிவை குறைத்தல் ஆகியவற்றிலும் கவனம் செலுத்துவதாக கூறப்படுகிறது.
இதன் காரணமாக இருவரின் சிறுநீர் மற்றும் வியர்வை ஆகியவை மறுசுழற்சி மூலம் பிரெஷ் வாட்டராக மாற்றப்பட்டு மீண்டும் பயன்படுத்தப்படுவதாக அமெரிக்காவின் நியூயார்க் போஸ்ட் வெளியிட்டுள்ள செய்தியில் குறிப்பிடப்பட்டுள்ளது.
இதேவேளை, விண்வெளி நிலையத்தில் உள்ள 530 கலோன் பிரெஷ் வாட்டர் டேங்கில் இருந்து தேவைப்படும் தண்ணீர் எடுக்கப்படுவதாக செய்திகள் வெளியாகியுள்ளது.
