லங்காசிறி FM
திடீரென வெடித்து தீப்பற்றிய விமானத்தின் என்ஜின்.... அவசர அவசரமாக தரையிறக்கம்!
Shankar
சிட்னி விமான நிலையத்தில் குவாண்டாஸ் நிறுவனத்திற்கு சொந்தமான விமானம் ஒன்றின் என்ஜின் வெடித்ததில் தீப்பற்றிய சம்பவம் அங்கு பெரும் பரபரப்பை ஏற்படுத்தியுள்ளது.
சம்பவம் தொடர்பில் மேலும் தெரியவருவதாவது,
சிட்னி விமான நிலையத்தில் இருந்து பிரின்பேனுக்கு குவாண்டாஸ் நிறுவனத்தின் விமானம் ஒன்று இன்றையதினம் (08-11-2024) மதியம் 1 மணிக்கு புறப்பட்டது.
புறப்பட்ட சில மணித்தியாலத்தில் விமானத்தின் வலது என்ஜின் வெடித்ததால் தீ பற்றியது. இதனால் விமானம் 3வது ஓடுபாதையில் அவசரமாக தரையிறக்கப்பட்டது.
இதையடுத்து அங்கு விரைந்து வந்த தீயணைப்புத் துறையினர் மற்றும் பொலிஸார் தீயை அணைத்தனர்.
இந்த விமானத்தில் பயணித்த 174 பயணிகளும் பாதுகாப்பாக மீட்கப்பட்டதாக அந்நாட்டு ஊடகம் ஒன்று தெரிவித்துள்ளது.
இந்த தீ விபத்தால் விமான நிலைய பகுதி முழுவதும் புகைமூட்டமாக காணப்பட்ட புகைப்படங்கள் சமூக வலைதளங்களில் வெளியாகியுள்ளது.
இதனையடுத்து, விமான பயணி ஜார்ஜினா லூயிஸ் கூறுகையில்,
"விமானம் புறப்பட்ட 10 நிமிடங்களுக்கு பிறகு விமானத்தில் பலத்த சத்தம் கேட்டது. பிறகு வலதுப்புற என்ஜினில் சிக்கல் ஏற்பட்டதாக விமானி விளக்கினார். இதையடுத்து விமானம் பத்திரமாக தரையிறக்கப்பட்டது" என்றார்.
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
