அதிபர் டிரம்ப்பை மறைமுகமாகச் சீண்டும் புகைப்படம்

   அமெரிக்காவில் அண்மையில் கொண்டாடப்பட்ட ‘நன்றி தெரிவிக்கும் நாள்’ (Thanksgiving Day) அன்று, RFK ஜூனியர் தனது சமூக வலைத்தளத்தில் ஒரு புகைப்படத்தைப் பதிவிட்டார்.

அதில் அவர், டிரம்ப், எலோன் மஸ்க் மற்றும் டிரம்ப்பின் மகன் ஆகியோருடன் மகிழ்ச்சியாக அமர்ந்திருக்க, அவர்களுக்கு முன்னால் வான்கோழி (Turkey), சோளம், பச்சைக் காய்கறிகள் போன்ற ஆரோக்கியமான பாரம்பரிய நன்றி தெரிவிக்கும் நாள் உணவு நிறைந்து காணப்பட்டது.

Make America Healthy Again

இந்தப் புகைப்படம் உண்மையிலேயே சமீபத்தில் எடுக்கப்பட்டதா என்று ஆராய்ந்த இணையப் பயனாளர்கள், இது சென்ற ஆண்டு நவம்பர் 2024-இல் எடுக்கப்பட்ட ஒரு பழைய, சர்ச்சைக்குரிய புகைப்படத்தைத் திருத்தி (AI மூலம்) வெளியிடப்பட்டுள்ளது என்பதைக் கண்டறிந்தனர்.

RFK ஜூனியர் ஆரோக்கியத்தில் அதிக ஆர்வம் கொண்டவர். சென்ற ஆண்டு, அவர் டிரம்ப் விமானத்தில் பயணம் செய்தபோது, விமானத்தில் பரிமாறப்படும் உணவுகள் விஷம் போல உள்ளன சாப்பிட KFC அல்லது பிக் மேக்ஸ் (McDonald’s Big Macs) மட்டுமே உள்ளது என்று விமர்சித்திருந்தார்.

அந்த விமர்சனத்தைத் தொடர்ந்து, நவம்பர் 2024-இல் டிரம்ப் வேண்டுமென்றே மெக்டொனால்ட்ஸ் உணவுகளைப் பரிமாறி, RFK ஜூனியர் பர்கருடன் இருக்கும் ஒரு புகைப்படத்தை டிரம்ப் ஜூனியர் வெளியிட்டு, அமெரிக்காவை மீண்டும் ஆரோக்கியமாக்குங்கள் என்பது நாளை தொடங்குகிறது என்று கேலி செய்திருந்தார்.

தற்போது, RFK ஜூனியர் அதே நபர்கள் அதே இடத்தில் அமர்ந்திருக்கும் படத்தைப் பயன்படுத்தி, ஆரோக்கியமற்ற மெக்டொனால்ட்ஸ் உணவுகளை அகற்றிவிட்டு, பாரம்பரிய ஆரோக்கியமான விருந்து உணவுகளைக் கூட்டியுள்ளார்.

இது, தனது ‘அமெரிக்காவை மீண்டும் ஆரோக்கியமாக்குங்கள்’ (Make America Healthy Again) என்ற கொள்கையை மீண்டும் ஒருமுறை வலியுறுத்தவும், டிரம்ப்பை மறைமுகமாகச் சீண்டவும் அவர் மேற்கொண்ட அரசியல் நகர்வாகப் புகைப்படம் பார்க்கப்படுகிறது