ஹாரி பாட்டர் திரைப்படத்தின் பிரித்தானிய நடிகை காலமானார்!
ஹாரி பாட்டர் திரைப்பட சீரிஸில் பேராசிரியர் மினெர்வா மெக்கோனகல் கதாபாத்திரத்தில் நடித்த பிரித்தானிய நடிகை மேகி ஸ்மித் மரணமடைந்துள்ளதாக தெரிவிக்கப்பட்டுள்ளது.
இவர் வயது மூப்பு காரணமாக தனது 89 வயதில் இன்றையதினம் (28-09-2024) அதிகாலை மருத்துவமனையில் உயிரிழந்ததாக அவரது குடும்பத்தினர் அறிவித்துள்ளனர்.
இரண்டு மகன்கள் மற்றும் ஐந்து பேரக்குழந்தைகளை கொண்ட மேகி ஸ்மித் குடும்பத்தினர் முன்னிலையில் அமைதியான முறையில் உயிரிழந்துள்ளதாக தெரிவிக்கப்பட்டுளது.
60 வருடங்களுக்கும் மேலாக திரைத்துறையில் இயங்கி வந்த மேகி ஸ்மித் 60 க்கும் மேற்பட்ட படங்களில் நடித்துள்ளார்.
தி பிரைம் ஆஃப் மிஸ் ஜீன் பிராடி (The Prime of Miss Jean Brodie) மற்றும் கலிபோர்னியா சூட் (California Suite) ஆகிய படங்களுக்காக 2 ஆஸ்கார் விருதுகளையும் பெற்றுள்ளார்.
பேராசிரியர் கதாபாத்திரம் மூலம் காலத்தால் அழியாது என்றும் வாழ்வார் என்று ஹேரி பாட்டர் ரசிகர்கள் அவரது மறைவுக்கு இரங்கல் தெரிவித்து வருகின்றனர்.