நண்பனின் மகளுக்கு தந்தையான வின் டீசல்
மறைந்த தனது நண்பன் பால் வாக்கர் மகளின் திருமணத்தை தந்தையாக முன்னின்று நடத்தி வைத்த வின் டீசல்.
Fast and Furious படங்களின் மூலம் மிகவும் பிரபலமடைந்த நடிகர் தான் பால் வாக்கர். இவர் கடந்த 2013 ஆம் ஆண்டு நிகழ்ந்த கார் விபத்தில் தனது 40 வது வயதில் உயிரிழந்தார். இவரது இறப்பு உலக ரசிகர்களுக்கு பேரதிர்ச்சியாக இருந்தது.
இந்த நிலையில் மறைந்த நடிகர் பால் வாக்கரின் 22 வயது மகளும் மாடலுமான மீடோ வாக்கர் (Meadow Walker) இந்த மாத தொடக்கத்தில் டொமினிகன் குடியரசில் நடிகர் லூயிஸ் தோர்ன்டன்-ஆலனை ( Louis Thornton-Allan) திருமணம் செய்துகொண்டார். கடந்த வெள்ளிக்கிழமை, மீடோ வாக்கர் (Meadow Walker) தனது திருமண விழாவின் புகைப்படங்களைப் சமூக வலைத்தளங்களில் பகிர்ந்தார்.
அந்த புகைப்படத்தில் பால்வாக்கரின் நண்பரும் திரைப்பட நடிகருமான வின் டீசல் அவர்கள் மீடோ வாக்கர் கைகளைப் பிடித்துக் கொண்டு வலதுபுறமாக நடந்து செல்வது போன்று இருந்தது. வழக்கமாக திருமணத்தில் பெண்ணின் தந்தை தான் அவ்வாறு செல்வார்.
இதன் மூலம் மறைந்த தனது நண்பன் பால் வாக்கர் மகளின் திருமணத்தை தந்தை ஸ்தானத்தில் முன்னின்று வின் டீசல் நடத்தி வைத்துள்ள சம்பவம் மக்களிடையே நெகிழ்ச்சியை ஏற்படுத்தியுள்ளது.