கனடாவில் போட்டியின் போது சுருண்டு விழுந்த இளம் குத்துச்சண்டை வீரருக்கு ஏற்பட்ட துயரம்

investigation Montreal boxer coroner

By Arbin Sep 03, 2021 04:21 PM GMT

Arbin

Report

கனடாவின் மான்ட்ரியலில் போட்டியின் போது மயங்கி விழுந்த ஒரு இளம் மெக்சிகன் குத்துச்சண்டை வீரர் தற்போது மரணமடைந்துள்ளதாக தகவல் வெளியாகியுள்ளது.

மான்ட்ரியலின் Jarry Park-ல் சனிக்கிழமை இரவு GYM Gala சர்வதேச குத்துச்சண்டை போட்டிகள் முன்னெடுக்கப்பட்டது. இதில் 18 வயதேயான மெக்சிகன் குத்துச்சண்டை வீரர் Jeanette Zacarias Zapata கலந்து கொண்டுள்ளார்.

கியூபெக்கின் Marie-Pier Houle என்பவருடன் மோதிய இவர், போட்டியின் போது சுருண்டு விழுந்து மயக்கமடைந்தார். 6 சுற்றுகள் கொண்ட இந்த போட்டியில் நான்காவது சுற்றின் இறுதியில் Jeanette Zacarias Zapata சுருண்டு விழுந்துள்ளார்.

அவரை உடனடியாக மருத்துவ உதவிக்குழுவினர் மீட்டு மருத்துவமனையில் சேர்ப்பித்துள்ளனர். இந்த நிலையில் வியாழக்கிழமை சுமார் 3.45 மணியளவில் Jeanette Zacarias Zapata சிகிச்சை பலனின்றி மரணமடைந்துள்ளதாக நிகழ்ச்சி ஒருங்கிணைப்பாளர் Groupe Yvon Michel அறிவித்துள்ளார்.

இது தொடர்பாக வெளியிடப்பட்டுள்ள இரங்கல் அறிக்கையில், அவரது குடும்பத்தினர், அன்புக்குரியவர்கள், நண்பர்கள் மற்றும் குறிப்பாக அவரது கணவருக்கு எங்களின் ஆழ்ந்த இரங்கலைத் தெரிவித்துக் கொள்கிறோம் என ஒருங்கிணைப்பாளர்கள் தெரிவித்துள்ளனர்.

தற்போது இந்த விவகாரம் தொடர்பில் உடற்கூறு ஆய்வாளர் அலுவலகம் விசாரணையை முன்னெடுத்துள்ளதாக தகவல் வெளியாகியுள்ளது.