லங்காசிறி FM
துருக்கியில் 119 ஐ.எஸ். பயங்கரவாதிகள் கைது
துருக்கியில் ஐ.எஸ். அமைப்பைச் சேர்ந்த 119 பேர் கைது செய்யப்பட்டுள்ளதாக சர்வதேச தகவல்கள் தெரிவிக்கின்றன.
துருக்கியில் ஐ.எஸ். பயங்கரவாத அமைப்பைச் சேர்ந்தவர்கள் ஊடுருவியிருப்பதும், அவர்கள் நாட்டில் பெரிய அளவிலான பயங்கரவாதத் தாக்குதலுக்குச் சதித்திட்டம் தீட்டி வருவதும் அந்நாட்டின் உள்துறை அமைச்சகத்திற்குத் தெரியவந்தது.
இதனைத் தொடர்ந்து, உளவுத்துறை மற்றும் ராணுவத்தைச் சேர்ந்த உயர்மட்ட அதிகாரிகளைக் கொண்டு ஒரு தனிப்படை அமைக்கப்பட்டது. இந்தத் தனிப்படையினர், இஸ்தான்புல் மற்றும் அங்காரா உள்ளிட்ட துருக்கியின் 30 மாகாணங்களில் ஒருங்கிணைந்து அதிரடி வேட்டையில் ஈடுபட்டனர்.
பயங்கரவாதத் தடுப்புப் பிரிவினரின் இந்தத் துரிதமான நடவடிக்கையில், ஐ.எஸ். அமைப்பைச் சேர்ந்த 119 பேர் கைது செய்யப்பட்டுள்ளனர். விசாரணையில் வெளிவந்த திடுக்கிடும் தகவல்கள்: கைது செய்யப்பட்டவர்கள் அனைவரும் ஐ.எஸ். பயங்கரவாத அமைப்பில் தீவிர உறுப்பினர்களாகச் செயல்பட்டு வந்தது விசாரணையில் உறுதி செய்யப்பட்டுள்ளது.
மேலும், இவர்கள் சமூக வலைதளங்கள் வாயிலாக அந்த அமைப்பின் தீவிரவாதக் கொள்கைகளைப் பரப்பியும், பயங்கரவாதச் செயல்களுக்கு ஆள் சேர்ப்பதற்கான பிரசாரங்களில் ஈடுபட்டதும் அம்பலமாகியுள்ளது.
நாடு முழுவதும் நடத்தப்பட்ட இந்தத் தொடர் சோதனைகள், துருக்கியில் நடக்கவிருந்த பெரும் அசம்பாவிதத்தைத் தடுத்து நிறுத்தியுள்ளதாக அந்நாட்டு ஊடகங்கள் தெரிவிக்கின்றன.
புங்குடுதீவு, பரிஸ், France, London, United Kingdom
10 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
