லங்காசிறி FM
கிரீஸில் 6.2 ரிக்டர் சக்திவாய்ந்த நிலநடுக்கம்
Sulokshi
கிரீஸின் டோடெக்கனீஸ் தீவுகள் பகுதியில் 2025 ஜூன் 3 ஆம் திகதி ரிக்டர் அளவுகோலில் 6.2 அளவு கொண்ட சக்திவாய்ந்த நிலநடுக்கம் ஏற்பட்டதாக தெரிவிக்கப்படுகின்றது.
இந்த நிலநடுக்கம் துருக்கியின் எல்லைப்பகுதியை ஒட்டிய பகுதியில், மத்திய தரைக்கடலில் மையம் கொண்டிருந்தது. இதன் ஆழம் 68 கி.மீ (42 மைல்) என ஐரோப்பிய மத்திய தரைக்கடல் நிலநடுக்க மையம் (EMSC) தெரிவித்துள்ளது.
ஆண்டுக்கு 2,100 நிலநடுக்கங்கள்
இதே நேரத்தில், துருக்கியின் மர்மாரிஸ் கடற்கரை நகரத்தில் 5.8 அளவு கொண்ட மற்றொரு நிலநடுக்கம் ஏற்பட்டு, பதற்றத்தில் வீடுகளை விட்டு வெளியேற முயன்றதில் ஏழு பேர் காயமடைந்ததாக துருக்கியின் பேரிடர் மேலாண்மை முகமை தெரிவித்துள்ளது.
நிலநடுக்கம் கிரீஸின் ரோட்ஸ் தீவு உட்பட தெற்கு கிரீஸ், மேற்கு துருக்கி மற்றும் அருகிலுள்ள ஏஜியன் கடல் கரையோரப் பகுதிகளில் உணரப்பட்டது.
தற்போது வரை கடுமையான உயிரிழப்பு அல்லது பெரிய அளவிலான சேதங்கள் குறித்து உடனடி அறிக்கைகள் இல்லை எனினும் , பாதுகாப்பு முன்னெச்சரிக்கையாக அவசரகால பதில் குழுக்கள் எச்சரிக்கையுடன் உள்ளனர்.
அதேவேளை டோடெக்கனீஸ் தீவுகள் பகுதி உயர் நில அதிர்வு மண்டலத்தில் உள்ளது. கடந்த 55 ஆண்டுகளில் இப்பகுதியில் ஆண்டுக்கு சராசரியாக 2,100 நிலநடுக்கங்கள் பதிவாகியுள்ளன. எனினும் அளவு 6 அல்லது அதற்கு மேல் உள்ள நிலநடுக்கங்கள் 10 முதல் 15 ஆண்டுகளுக்கு ஒருமுறை மட்டுமே ஏற்படுகின்றன.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
