லங்காசிறி FM
புடின் வீட்டின் மீது தாக்குதல்; வழக்கமான ரஷ்யப் பொய்கள்; யுக்ரைன் ஜனாதிபதி
Sulokshi
ரஷ்ய ஜனாதிபதி விளாடிமிர் புடினின் வீட்டின் மீது ஆளில்லா வானூர்தி தாக்குதலை நடத்தியதாக சுமத்தப்பட்ட குற்றச்சாட்டை, யுக்ரைன் ஜனாதிபதி வோலோடிமிர் ஷெலென்ஸ்கி மறுத்துள்ளார்.
ரஷ்யாவின் வடமேற்கு நோவ்கோரோட் பகுதியில் உள்ள புடினின் இல்லம் ஒன்றின் மீது நீண்ட தூர ஆளில்லா வானூர்திகளை பயன்படுத்தி, இரவு முழுவதும் கியூவ் தாக்குதல் நடத்தியதாக ரஷ்யாவின் வெளியுறவு அமைச்சர் செர்ஜி லாவ்ரோவ் குற்றம் சுமத்தியிருந்தார்.
வழக்கமான ரஷ்யப் பொய்கள்
இந்த நிலையில், அமைதிப் பேச்சுவார்த்தைகளில் தமது நிலைப்பாட்டை மறுபரிசீலனை செய்யும் என்றும் ரஷ்ய அமைச்சர் குறிப்பிட்டுள்ளார் . ரஷ்யாவின் இந்த கூற்றை “வழக்கமான ரஷ்யப் பொய்கள்” என்றுக் கூறி ஷெலென்ஸ்கி நிராகரித்துள்ளார்.
இது யுக்ரைன் மீதான தாக்குதல்களைத் தொடர, கிரெம்ளினுக்கு வாய்ப்பை வழங்கும் நோக்கத்தைக் கொண்டது என்றும் அவர் கூறியுள்ளார்.
புடினின் இல்லத்தின் மீது ஏவப்பட்டதாகக் கூறிய 91 ஆளில்லா வானூர்திகளும், ரஷ்ய வான் பாதுகாப்பு அமைப்புகளால் இடைமறித்து அழிக்கப்பட்டதாக, ரஷ்ய வெளியுறவு அமைச்சர் லாவ்ரோவ் கூறியுள்ளார்.
தாக்குதலின் விளைவாக உயிரிழப்புகள் அல்லது சேதங்கள் குறித்த எந்த அறிக்கையும் இல்லை என்றும் அவர் தெரிவித்துள்ளார்.
இதேவேளை, புளோரிடாவில் டொனால்ட் ட்ரம்ப்புடன் திருத்தப்பட்ட சமாதான திட்டம் குறித்த பேச்சுவார்த்தையின் போது, அமெரிக்கா யுக்ரைனுக்கு 15 ஆண்டுகளுக்கான பாதுகாப்பு உத்தரவாதங்களை வழங்கியுள்ளதாக யுக்ரைனிய ஜனாதிபதி தெரிவித்துள்ளார்.
இரு நாட்டு தலைவர்களுக்கும் இடையிலான இந்த பேச்சுவார்தைகள் கிட்டத்தட்ட 95 சதவீதம் நிறைவடைந்துள்ளதாக அமெரிக்க ஜனாதிபதி தெரிவித்துள்ளார்.
டிரம்ப் உடனான , பேச்சு வார்த்தைகளின் பின்னர் யுக்ரைன் ஜனாதிபதி 50 ஆண்டுகள் வரை பாதுகாப்புக்கான உத்தரவாதங்களை விரும்புவதாக கூறியுள்ளார்.
புங்குடுதீவு 12ம் வட்டாரம், மாவிட்டபுரம், கிளிநொச்சி, Toronto, Canada
26 Dec, 2025
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
கொக்குவில், Herning, Denmark, London, United Kingdom
28 Dec, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
