லங்காசிறி FM
மத்திய கிழக்கு போரில் கனடா பங்கேற்குமா ; பிரதமர் மார்க் கார்னி விளக்கம்
Kamal
மத்திய கிழக்கில் தீவிரமடைந்து வரும் போர் நிலவரத்தில் கனடா இராணுவமாக பங்கேற்பதை முழுமையாக நிராகரிக்க முடியாது என கனடா பிரதமர் மார்க் கார்னி தெரிவித்துள்ளார்.
ஆஸ்திரேலியாவின் தலைநகர் கன்பெராவில் ஆஸ்திரேலிய பிரதமர் அன்தனி அல்பானீஸூடன் நடைபெற்ற கூட்டு ஊடக சந்திப்பில் கருத்து வெளியிட்ட அவர் இதனைத் தெரிவித்துள்ளார்.
மத்திய கிழக்கில் நிலைமை மிக விரைவாக பரவி மேலும் சிக்கலாக மாறக்கூடும் என எச்சரித்துள்ளார்.
எந்த சூழலிலும் பங்கேற்பதை முற்றிலும் மறுக்க முடியாது. தேவையான நேரத்தில் கனடா தனது கூட்டாளிகளுடன் நிற்கும் எனவும் ஆனால் அமெரிக்காவும் இஸ்ரேலும் மேற்கொண்ட தாக்குதல்கள் குறித்து கனடாவுடன் முன்கூட்டியே ஆலோசனை நடத்தப்படவில்லை எனுவும் அவர் தெரிவித்துள்ளார்.
அந்த நடவடிக்கைகளில் கனடா நேரடியாக ஈடுபடவில்லை,” என அவர் கூறியுள்ளார்.
அதேவேளை, கனடியர்களை பாதுகாப்பதும், நட்பு நாடுகள் உதவி கேட்டால் அவர்களுடன் இணைந்து செயல்படுவதும் கனடாவின் கடமையாகும் என அவர் குறிப்பிட்டுள்ளார்.
முன்னதாக, அமெரிக்கா மற்றும் இஸ்ரேல் ஈரானில் நடத்திய தாக்குதலுக்கு ஆதரவு தெரிவித்திருந்த கார்னி, கனடா நேரடியாக போரில் ஈடுபடாது என இந்தியாவில் நடைபெற்ற சந்திப்பில் கூறியிருந்தார் என்பது குறிப்பிடத்தக்கது.
பருத்தித்துறை, ஓமான், Oman, India, London, United Kingdom
06 Mar, 2024
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
