பிரதமரின் கோரிக்கையை ஏற்க மறுத்த மகராணியார்!

  இளவரசர் பிலிப்பின் (Prince Philip)இறுதிச் சடங்கிற்கு பிரித்தானிய பிரதமர் போரிஸ் ஜான்சன் (Boris Johnson)அளித்த கோவிட் விலக்கை மகாராணியார் (Queen Elizabeth) மறுத்துவிட்டதாக பிரித்தானிய தகவல்கள் தெரிவிக்கின்றன.

டவுனிங் ஸ்ட்ரீட் இளவரசர் பிலிப்பின் (Prince Philip) இறுதிச் சடங்கிற்கு கோவிட் விலக்கு அளித்ததுடன் துக்கத்தில் அதிகமானோர் கலந்து கொள்ளவும் அனுமதி வழங்கியது. எனினும் நாட்டிற்கு ஒரு முன்மாதிரியாக இருக்க விரும்புவதால், ஐக்கிய இராச்சியத்தின் மகாராணி இரண்டாம் எலிசபெத் (Queen Elizabeth)அதனை மறுத்துவிட்டதாக ஜனவரி 19 அன்று வெளியான பிரித்தானிய ஊடக அறிக்கைகள் தெரிவிக்கின்றன.

ஏப்ரல் 17, 2021 அன்று அடக்கம் செய்யப்படும் நேரத்தில் நடைமுறையில் இருந்த சில கோவிட் விதிகளை தற்காலிகமாக இடைநிறுத்துவதற்கு எண் 10 முன்மொழியப்பட்டதாக பிரைவேட் ஐ இதழ் தெரிவித்துள்ளது.

இருப்பினும், மகாராணி இரண்டாம் எலிசபெத் (Queen Elizabeth)அந்த வாய்ப்பை நிராகரித்த நிலையில் , கலந்துகொள்ளக்கூடிய நபர்களின் எண்ணிக்கையில் கடுமையான கட்டுப்பாடுகளுடன் அடக்கம் நடைபெற்றது. அதேசமயம் தன் கணவனின் மரணத்திற்கு துக்கம் அனுசரிக்க, ராணியார் தன் குடும்பத்திலிருந்து சமூக ரீதியாக தனிமைப்படுத்தப்பட்டு தனியாக அமர்ந்தார்.

ஏப்ரல் 9, 2021 அன்று எடின்பர்க் டியூக் இறந்ததைத் தொடர்ந்து, டவுனிங் ஸ்ட்ரீட் பக்கிங்ஹாம் அரண்மனைக்கு போன் செய்து வாய்ப்பளித்ததாக கூறப்படுகிறது. இறுதிச் சடங்கிற்கு முன்னதாக மற்றும் ஏழு நாட்களுக்குப் பிறகு, டவுனிங் தெருவில் இரண்டு சமூகக் கூட்டங்கள் நடத்தப்பட்டன.

ஏப்ரல் 16, 2021 அன்று, இரண்டு பார்ட்டிகள் டவுனிங் தெருவில் எண் 10-ல் நடைபெற்றன, அதேசமயம் டியூக்கின் மரணத்தைத் தொடர்ந்து நாடு சோகத்தில் இருந்த நிலையில் இதைப்பற்றி மகாராணியார் கேட்டபோது பிரதமர் ஜான்சன் (Boris Johnson) கலக்கமடைந்ததாகவும் கூறப்படுகின்றது.

இதற்காக இந்த வாரம் செவ்வாய்கிழமை வடக்கு லண்டனில் உள்ள ஃபின்ச்லி மெமோரியல் மருத்துவமனையில் ஜான்சன் (Boris Johnson) கமெராக்களுக்கு முன்னால் நின்றபோது, ​​அவர் ராணியாரிடம் (Queen Elizabeth) முறையாக மன்னிப்பு கேட்டார்.

இருப்பினும் பார்ட்டிகேட் சர்ச்சையில் சமீபத்திய குற்றச்சாட்டுகளுக்குப் பிறகு பிரதமர் போரிஸ் ஜான்சன் (Boris Johnson) இன்னும் அழுத்தத்திற்கு ஆளாகியுள்ளதாக கூறப்படுகின்றது.

ஏப்ரல் 16, 2021 அன்று, டெலிகிராப் படி, ஆலோசகர்களும் கூட்டாட்சி ஊழியர்களும் இரண்டு வெவ்வேறு நிகழ்வுகளுக்கு வேலைக்குப் பிறகு கூடிய நிலையில் அப்போது மது அருந்தப்பட்டதாகவும், விருந்தினர்கள் இசைக்கு நடனமாடுவதாகவும், மேலும் ஒரு நபர் மது வாங்குவதற்காக ஒரு சூட்கேஸுடன் உள்ளூர் கடைக்கு அனுப்பப்பட்டதாகவும் அந்த தகவல்கள் மேலும் கூறுகின்றன.