லங்காசிறி FM
எங்களை அழிக்க முடியாது ; டிரம்பின் பேச்சுக்கு ஈரான் கடும் எச்சரிக்கை
ஈரானை அழித்தொழிப்போம் என அமெரிக்க ஜனாதிபதி டொனால்ட் டிரம்ப் வெளியிட்டுள்ள கடுமையான எச்சரிக்கை, அமெரிக்காவின் விரக்தியை வெளிப்படுத்துவதாக ஈரான் தெரிவித்துள்ளது.
ஐக்கிய நாடுகள் பொதுச் சபையின் 81ஆவது கூட்டத்தொடரில் உரையாற்றிய டிரம்ப், ஈரானுடன் அணுசக்தி தொடர்பான உடன்பாடு எட்டப்படாவிட்டால், அந்த நாட்டை அழித்தொழிப்பது குறித்து தாம் தீர்மானிக்க வேண்டிய நிலை ஏற்படும் என எச்சரித்தார்.
மேலும், ஈரானை பொருளாதார ரீதியாக தனிமைப்படுத்துவதற்கு மற்ற நாடுகளும் இணைந்து செயற்பட வேண்டும் எனவும் அவர் வலியுறுத்தினார்.
இதற்கு ஈரான் கடும் எதிர்வினையை வெளியிட்டுள்ளது. தொடர்ச்சியான அச்சுறுத்தல்கள் வலிமையின் அடையாளம் அல்ல என்றும், அவை விரக்தியின் வெளிப்பாடு என்றும் ஈரான் தரப்பு தெரிவித்துள்ளது.
ஈரானுக்கு எதிரான அமெரிக்காவின் நடவடிக்கைகள் அந்நாட்டின் மீதான ஆக்கிரமிப்பை வெளிப்படுத்துவதாகவும் ஈரான் குற்றம் சாட்டியுள்ளது.
மேலும், அமெரிக்கா மற்றும் இஸ்ரேலுக்கு எதிராக வலிமையான பதிலடி நடவடிக்கைகளை மேற்கொள்ள ஈரான் தயாராக இருப்பதாகவும் ஈரான் தரப்பு எச்சரித்துள்ளது.
இதனிடையே, டிரம்பின் கடுமையான பொதுவெளி எச்சரிக்கைகளுக்கு மத்தியில், அமெரிக்க மற்றும் ஈரான் அதிகாரிகள் ஐ.நா. பொதுச் சபைக் கூட்டத்தொடருக்கு இடையே சுமார் மூன்று மணி நேரம் பேச்சுவார்த்தை நடத்தியதாக டிரம்ப் தெரிவித்துள்ளார்.
இந்தச் சந்திப்பு “மிகவும் சிறப்பாகவும் பயனுள்ளதாகவும்” இருந்ததாகவும் அவர் குறிப்பிட்டுள்ளார்.
இதனால், ஒருபுறம் கடுமையான எச்சரிக்கைகளும் மறுபுறம் நேரடி பேச்சுவார்த்தைகளும் இடம்பெற்று வருவது, அமெரிக்கா–ஈரான் மோதலில் அடுத்தகட்ட நகர்வுகள் குறித்த எதிர்பார்ப்பை அதிகரித்துள்ளது.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
