லங்காசிறி FM
நடுக்கடலில் சிக்கிய ஆயிரக்கணக்கான கப்பல்கள் ; கடல்சார் உலகையே அதிரவைத்த ஈரான் நடவடிக்கை
ஈரான் ஹார்முஸ் ஜலசந்தியை முடக்கியுள்ளதால், சுமார் 1,500 கப்பல்கள் மற்றும் 20,000-க்கும் மேற்பட்ட மாலுமிகள் நடுக்கடலில் சிக்கித் தவித்து வருவதாக சர்வதேச கடல்சார் அமைப்பு தெரிவித்துள்ளது.
அமெரிக்கா மற்றும் ஈரான் இடையிலான பதற்றம் தீவிரமடைந்த நிலையில், மேற்காசியாவின் முக்கிய கடல் வர்த்தக வழித்தடமான ஹார்முஸ் ஜலசந்தியை ஈரான் கட்டுப்படுத்தியுள்ளதாக கூறப்படுகிறது.
இதன் காரணமாக உலக நாடுகளுக்கான கச்சா எண்ணெய் ஏற்றுமதி கடுமையாக பாதிக்கப்பட்டுள்ளது.
இதனால் சர்வதேச சந்தையில் எரிபொருள் விலைகள் உயர்ந்துள்ளதுடன், பல நாடுகள் எரிபொருள் தட்டுப்பாட்டையும் எதிர்கொண்டு வருகின்றன.
பனாமாவில் நடைபெற்ற அமெரிக்க நாடுகளின் கடல்சார் மாநாட்டில் கலந்து கொண்டு உரையாற்றிய சர்வதேச கடல்சார் அமைப்பின் பொதுச் செயலாளர் ஆர்சனியோ டொமிங்குவேஸ், “ஹார்முஸ் ஜலசந்தி முடக்கத்தால் ஆயிரக்கணக்கான மாலுமிகள் கடலில் சிக்கியுள்ளனர்” என தெரிவித்தார்.
மேலும், “இதுவரை 30-க்கும் மேற்பட்ட தாக்குதல் சம்பவங்களில் 10 மாலுமிகள் உயிரிழந்துள்ளனர்.
இவர்கள் சர்வதேச வர்த்தகத்தை முன்னெடுத்து செல்லும் சாதாரண பணியாளர்கள். அரசியல் மற்றும் போர் சூழ்நிலைகளின் விளைவால் அவர்கள் பாதிக்கப்படக் கூடாது” என்றும் அவர் கவலை வெளியிட்டார்.
நடுக்கடலில் சிக்கியுள்ள கப்பல்கள் மற்றும் மாலுமிகளை பாதுகாப்பாக மீட்க சர்வதேச நாடுகள் உடனடி நடவடிக்கை எடுக்க வேண்டும் என்ற கோரிக்கையும் வலுத்து வருகிறது.
இந்நிலையில், ஹார்முஸ் ஜலசந்தி விவகாரம் உலக பொருளாதாரத்துக்கும், சர்வதேச வர்த்தகத்துக்கும் பெரும் சவாலாக மாறியுள்ளது.
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
புங்குடுதீவு 11ம் வட்டாரம், புங்குடுதீவு 1ம் வட்டாரம், கொட்டாஞ்சேனை
22 Jun, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
