லங்காசிறி FM
உக்ரைன் போருக்கு மத்தியில் இந்தியாவிற்கு திடீர் வருகை தந்த ரஷ்யாவின் முக்கிய அமைச்சர்
Praveen
உக்ரைனில் போர் முடிவடையாத நிலையில், ரஷ்யாவுக்கு ஆதரவான நிலைப்பாட்டை இந்தியா தொடர்ந்து எடுத்து வருகிறது. உக்ரைனில் பிப்., 24ல் துவங்கிய போர், 5வது வாரமாக தொடர்கிறது.
இந்த போரால் இரு நாட்டு ராணுவத்தினர் மட்டுமின்றி உக்ரைன் குடிமக்களும் பெரிதும் பாதிக்கப்பட்டனர். போர் தொடங்கியதிலிருந்து, அமெரிக்கா, ஐரோப்பா மற்றும் பிற உலக வல்லரசுகள் ரஷ்யா மீது கடுமையான பொருளாதாரத் தடைகளை அறிவித்துள்ளன. எனவே பொருளாதாரம் ரஷ்யாவை பாதிக்கும் என எதிர்பார்க்கப்படுகிறது. ஒருபுறம் உக்ரைனில் போர் நடந்தாலும், மறுபுறம் இரு நாடுகளுக்கும் இடையே பேச்சுவார்த்தை நடந்து வருகிறது.
அவர்களில் பெரும்பாலோர் இணக்கப்பாட்டுக்கு வராத போதிலும், திடீர் திருப்பமாக செவ்வாய்கிழமை நடைபெற்ற பேச்சுவார்த்தையின் போது சில விடயங்களில் இணக்கப்பாடு ஏற்பட்டுள்ளதாக தெரிவிக்கப்படுகிறது. குறிப்பாக உக்ரைனின் தலைநகரான கியேவைச் சுற்றி துருப்புக்களை திரும்பப் பெற ரஷ்யாவும் ஒப்புக் கொண்டுள்ளது. போர் நிறுத்தம் குறித்த முக்கிய அறிவிப்புகள் வரும் நாட்களில் வெளியாகும் என எதிர்பார்க்கப்படுகிறது.
இந்நிலையில், ரஷ்ய வெளியுறவுத்துறை அமைச்சர் செர்ஜி லாவ்ரோவ் தற்போது டெல்லி வந்துள்ளார். உக்ரைன் நெருக்கடிக்கு மத்தியில் இரு நாடுகளும் வர்த்தகம் மற்றும் பிற உறவுகளைத் தொடர்வதற்கான வழிகளைத் தேடும் நிலையில் ரஷ்ய வெளியுறவு அமைச்சரின் வருகை முக்கியத்துவம் வாய்ந்ததாகக் கருதப்படுகிறது. உக்ரைன் போருக்குப் பிறகு, ரஷ்யாவின் உயர்மட்ட அமைச்சர் ஒருவர் இந்தியாவுக்கு வருவது இதுவே முதல்முறை.
இரண்டு நாள் பயணமாக இந்தியா வந்துள்ள ரஷ்ய வெளியுறவுத்துறை அமைச்சர் செர்ஜி லாவ்ரோவ் நாளை பிரதமர் மோடி மற்றும் வெளியுறவுத்துறை அமைச்சர் ஜெய்சங்கரை சந்திக்க உள்ளார். முன்னதாக, கடந்த வாரம் பிரிட்டன் வெளியுறவுச் செயலர் லிஸ் ட்ரஸ் மற்றும் சீன வெளியுறவுத் துறை அமைச்சர் வாங் யீ ஆகியோர் டெல்லி வந்தனர். இந்நிலையில்தான் ரஷ்ய வெளியுறவுத்துறை அமைச்சர் செர்ஜி லாவ்ரோவ் தற்போது இந்தியா வந்துள்ளார்.
உக்ரைனில் போர் தொடங்கிய பின்னர் ரஷ்ய வெளியுறவுத்துறை அமைச்சரின் மூன்றாவது வெளிநாட்டுப் பயணம் இதுவாகும். இந்த மாத தொடக்கத்தில் அவர் அமைதிப் பேச்சுவார்த்தைக்காக துருக்கி சென்றார். இதையடுத்து அவரும் சீனா சென்றார். இந்தியாவின் நிலைப்பாடு உக்ரைன் போர் காரணமாக மேற்கத்திய நாடுகள் ரஷ்யா மீது கடுமையான தடைகளை விதித்துள்ளன. இருப்பினும், கச்சா எண்ணெய் தொடங்கி ரஷ்யாவிடம் இருந்து இந்தியா தொடர்ந்து பல்வேறு பொருட்களை வாங்குகிறது.
கடந்த 10 ஆண்டுகளாக அமெரிக்காவுடன் இந்தியா நெருக்கமாக இருந்து வந்தாலும், சுதந்திரம் அடைந்ததில் இருந்து இந்தியாவுடன் ரஷ்யா நீண்ட காலமாக நெருங்கிய நட்பு நாடாக இருந்து வருகிறது.
உக்ரைனுடனான போரில் இந்தியா நடுநிலை வகித்ததற்கு இதுவே காரணம்.
கொடிகாமம், Recklinghausen, Germany, Harrow, United Kingdom
14 Jul, 2025
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
Aberystwyth, United Kingdom, இலங்கை, நியூஸ்லாந்து, New Zealand, New Jersey, United States
08 Aug, 2020
திருநெல்வேலி கிழக்கு, கொக்குவில் கிழக்கு, London, United Kingdom
01 Aug, 2015
புங்குடுதீவு 1ம் வட்டாரம், புங்குடுதீவு 10ம் வட்டாரம், Montmagny, France
08 Aug, 2025
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
