லங்காசிறி FM
மீண்டுமொரு முடக்க தேவையா? மக்களுக்கு விடுக்கப்பட்டுள்ள எச்சரிக்கை
Shankar
நாட்டில் இருக்கும் சில பொறுப்பற்றவர்களின் நடவடிக்கையால் நாடு எந்த நேரத்திலும் முடக்கப்படலாம் எனவும், அதற்கான புதிய சுகாதார வழிகாட்டல்களை வெளியிடுவதற்கான அவகாசம் மாத்திரமே தேவைப்படும் நிலை காணப்படுவதாகவும் பிரதி சுகாதார சேவைகள் பணிப்பாளர் நாயகம் ஹேமந்த ஹேரத் (Hemantha Herath) தெரிவித்துள்ளார்.
இது குறித்து அவர் மேலும் தெரிவிக்கையில்,
இலங்கையில் தற்போது மக்கள் சுகாதார வழிமுறைகளை பின்பற்றுவது குறைந்து வருகிறது. சிலர் பொது இடங்களில் முகக்கவசம் அணியாமலும் இருக்கின்றனர். மீண்டுமொரு முடக்க தேவையா இல்லையா என்பதை நாட்டு மக்களின் நடத்தையே தீர்மானிக்கும் என அவர் தெரிவித்துள்ளார்.
நாடு எதிர்வரும் கிறிஸ்மஸ் காலத்தில் மூடப்பட வேண்டும் என்ற தீர்மானம் எடுக்கப்பட்டால் அதிர்ச்சியடைய வேண்டாம். பொறுப்பற்ற சிலர் இரகசிய கொண்டாட்டங்களை இன்னும் முன்னெடுத்து வருகின்றனர்.
தற்போது இருக்கும், தீவிரமான சூழ்நிலையிலிருந்து மீள முயற்சிக்கும் நேரத்தில் இது போன்ற கொண்டாட்டங்களை ஏற்பாடு செய்வதையும் பங்கேற்பதையும் தவிர்க்குமாறு பிரதி சுகாதார சேவைகள் பணிப்பாளர் கோரியுள்ளார்.
இதேவேளை, உரிய தரப்பினரிடம் அனுமதி பெறாது முன்னெடுக்கப்படும் நிகழ்வுகள் இரத்து செய்யப்படலாம். மேலும், அனுமதி இல்லாமல் இது போன்ற நிகழ்வுகளை ஏற்பாடு செய்வது தண்டனைக்குரிய குற்றமாகும்.
மேலும், பண்டிகை நாட்கள் நெருங்கும் பட்சத்தில் வர்த்தக நிலையங்களில் அதிகளவில் வாடிக்கையாளர்கள் கூடுவதனை தவிர்க்க வேண்டும்.
இந்தப் பண்டிகை காலத்தில் மீண்டுமொரு கொரோனா கொத்தணி ஏற்படாமல் இருப்பதற்காக நாம் கவனத்துடன் செயற்பட வேண்டும் எனவும் அவர் தெரிவித்துள்ளார்.
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
