லங்காசிறி FM
ஐரோப்பிய ஒன்றிய உறவில் புதிய பதற்றம் ; சீஸ் மற்றும் இறைச்சி தடை
Sahana
பிரித்தானியா விதித்துள்ள சீஸ் மற்றும் இறைச்சி தடை காரணமாக ஐரோப்பிய ஒன்றியத்துடன் புதிய பதற்றம் உருவாகியுள்ளது.
2025 ஏப்ரல் மாதத்தில், பிரித்தானிய அரசு ஐரோப்பிய ஒன்றியத்திலிருந்து தனிப்பட்ட பயன்பாட்டிற்காக சீஸ், இறைச்சி மற்றும் பால் சார்ந்த உணவுப் பொருட்கள் கொண்டு வருவதை தடை செய்தது.
இந்த தடை, ஐரோப்பாவில் கால்நடைகளுக்கு ஏற்பட்ட கோமாரி நோய் (Foot and Mouth Disease) பரவலை தடுக்கும் நோக்கத்தில் அமுல்படுத்தப்பட்டது.
விதிகளை மீறுபவர்கள் 5,000 பவுண்டு அபராதம் செலுத்த வேண்டிய நிலை ஏற்படும். இந்த தடை, கடந்த 6 மாதங்களாக தொடர்ந்தாலும், நோய் பரவல் தற்போது கட்டுப்படுத்தப்பட்ட நிலையில், தடை தொடரும் அவசியம் குறைவாக உள்ளது.
இருப்பினும், பிரித்தானிய அரசு, “நோய் பரவல் அபாயம் குறைந்தாலும், விவசாயிகளையும் உணவுப் பாதுகாப்பையும் பாதுகாக்க தடை தொடரும்” என தெரிவித்துள்ளது.
பாரிஸ் நகரில் உள்ள சீஸ் கடைகள், குறிப்பாக Eurostar ரயில்கள் செல்லும் Gare du Nord பகுதியில், இந்த தடை காரணமாக பிரித்தானிய சுற்றுலாப் பயணிகளின் வருகை குறைந்ததால் விற்பனை பாதிக்கப்பட்டுள்ளதாக தெரிவிக்கின்றன.
சீஸ் என்பது பிரான்ஸ் கலாச்சாரத்தின் ஒரு பகுதியாகும். சுற்றுலாப் பயணிகள் அதை நினைவுப் பொருளாக எடுத்துச் செல்லும் பழக்கம் இருந்தது, என விற்பனையாளர்கள் கூறுகின்றனர்.
பிரித்தானியா-ஐரோப்பிய ஒன்றிய உறவுகளில் புதிய பதற்றத்தை இத்தடை உருவாக்கியுள்ளது.
கோமாரி நோய் மனிதர்களுக்கு ஆபத்தானதல்ல, ஆனால் கால்நடைகளுக்கு மிகுந்த பாதிப்பை ஏற்படுத்தும். கடந்த 2001-ம் ஆண்டு ஏற்பட்ட நோய் பரவல், பிரித்தானியாவில் 6 மில்லியன் கால்நடைகளை அழிக்க வேண்டிய நிலையை ஏற்படுத்தியது.
தற்போது, நோய் கட்டுப்படுத்தப்பட்ட நிலையில், தடை தொடரும் அவசியம் குறித்து கேள்விகள் எழுந்துள்ளன.
புங்குடுதீவு 11ம் வட்டாரம், புங்குடுதீவு 10ம் வட்டாரம், Montreal, Canada
25 Oct, 2020
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024