லங்காசிறி FM
கனடாவில் 10000 டொலர் பெறுமதியான போதைப் பொருள் மீட்பு
நோர்த் பே நீதிமன்ற வளாகத்தில் ஏற்பட்ட மருத்துவ அவசரநிலையைத் தொடர்ந்து நடத்தப்பட்ட விசாரணையில், 33 கிராமுக்கும் அதிகமான ஃபெண்டானில் போதைப்பொருள் பறிமுதல் செய்யப்பட்டுள்ளது.
இது தொடர்பாக மிசிசாகாவைச் சேர்ந்த 28 வயது இளைஞர் ஒருவர் மீது போதைப்பொருள் கடத்தல் வழக்கு பதிவு செய்யப்பட்டுள்ளது.
ஜூன் 1ஆம் திகதி காலை 9:30 மணியளவில் நீதிமன்றத்தில் ஒருவருக்கு மருத்துவ அவசரநிலை ஏற்பட்டதாக வந்த தகவலையடுத்து, நோர்த் பே காவல்துறையினர் அங்கு விரைந்தனர்.
பாதிக்கப்பட்ட நபர் உடனடியாக மருத்துவமனைக்கு கொண்டு செல்லப்பட்டதைத் தொடர்ந்து, காவல்துறை தீவிர விசாரணையில் இறங்கியது.
இதுகுறித்து காவல்துறை தரப்பில் வெளியிடப்பட்டுள்ள செய்திக்குறிப்பில்: விசாரணையின் போது, அந்த நபரிடம் சட்டவிரோத ஃபெண்டானில் போதைப்பொருள் இருப்பது கண்டுபிடிக்கப்பட்டது. அது விற்பனைக்காக வைத்திருக்கலாம் என சந்தேகிக்கப்படுகிறது.
இதனைத் தொடர்ந்த சோதனையில், சுமார் 9,900 டொலர் சந்தை மதிப்புள்ள போதைப்பொருட்கள் பறிமுதல் செய்யப்பட்டன.
இதில் 33 கிராம் ஃபெண்டானில் அடங்கும். இந்த வழக்கில் சிறப்பாகச் செயல்பட்ட அதிகாரிகளைப் பாராட்டிய நோர்த் பே தற்காலிக துணை காவல் தலைவர் ஜெஃப் வார்னர் (Jeff Warner), "சந்தையில் புழங்கும் ஃபெண்டானில் போதைப்பொருளில் இருந்து ஒவ்வொரு கிராம் அகற்றப்படுவதும் நமக்குக் கிடைத்த ஒரு வெற்றியே என தெரிவித்துள்ளார்.
நமது சமூகத்தைப் பாதுகாப்பதற்கும், போதைப்பொருள் கடத்தலில் ஈடுபடுபவர்களை சட்டத்தின் முன் நிறுத்துவதற்கும் நமது அதிகாரிகள் மேற்கொள்ளும் முக்கியப் பணியை இந்த பறிமுதல் காட்டுகிறது," என்று தெரிவித்துள்ளார்.
குற்றம் சாட்டப்பட்ட நபர் மீது போதைப்பொருள் கடத்தல் மற்றும் நன்னடத்தை உத்தரவை மீறியது ஆகிய பிரிவுகளின் கீழ் வழக்குப்பதிவு செய்யப்பட்டுள்ளது.
Luton, United Kingdom, Toddington, United Kingdom, Milton Keynes, United Kingdom
02 Jun, 2022
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 7ம் வட்டாரம், London, United Kingdom
30 Jun, 2012
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026
கோண்டாவில் கிழக்கு, புத்தளம், Staten Island, New York, United States
11 Jun, 2026
