லங்காசிறி FM
பிரிட்டனில் வரலாறு காணாத வெப்பம்; பாடசாலைகளுக்கு பூட்டு
பிரிட்டன் முழுவதும் வெப்பநிலை வரலாறு காணாத வகையில் 40°C-ஆக உயரும் என எதிர்பார்க்கப்படுவதால், அரிதான சிவப்பு நிற கடும் வெப்ப எச்சரிக்கையை எதிர்கொள்ள நாடு தயாராகி வரும் நிலையில், நூற்றுக்கணக்கான பள்ளிகள் மூடப்படவோ அல்லது மாணவர்களை முன்கூட்டியே வீட்டிற்கு அனுப்பவோ நிர்பந்திக்கப்பட்டுள்ளன.
வெப்பம் காரணமாக நூற்றுக்கணக்கான பள்ளிகள் குழந்தைகளை முன்கூட்டியே வீட்டிற்கு அனுப்ப வேண்டிய கட்டாயம் ஏற்பட்டுள்ளது. அதே சமயம், சில பள்ளிகளில் உள்ள குழந்தைகள் முழுமையான பள்ளிச் சீருடைக்குப் பதிலாக உடற்பயிற்சி உடையை அணியலாம் என்றும் அறிவுறுத்தப்பட்டுள்ளனர்.
இங்கிலாந்து மற்றும் வேல்ஸின் சில பகுதிகளில் கடுமையான வெப்ப அலை வீசி வருவதால், அதிகாரிகள் பல பிராந்தியங்களில் ரயில் பயண எச்சரிக்கைகளை விடுத்து, குழாய் நீர் பயன்பாட்டிற்கும் தடை விதித்துள்ளனர்.
இதற்கிடையில், காலை 9 மணிக்கு கடும் வெப்பம் காரணமாக அரிதான சிவப்பு வானிலை எச்சரிக்கை அமலுக்கு வரவிருப்பதால், முற்றிலும் அவசியமானால் மட்டுமே பயணம் செய்யுமாறு நெட்வொர்க் ரெயில் பயணிகளுக்கு அறிவுறுத்தியுள்ளது.
