ஆபத்தான போக்கில் அதிகரித்து வரும் உடல் எடை மற்றும் உடற்பருமன்!

    உலக சுகாதார நிறுவனத்தின் ஐரோப்பியப் பிராந்தியத்தில் அதிக உடல் எடை மற்றும் உடற்பருமன் ஆபத்தான போக்கில் அதிகரித்து வருகிறதாக எச்சரிக்கை விடுக்கப்பட்டுள்ளது.

அதேவேளை ஐரோப்பியக் கண்டத்தில் ஆண்டு தோறும் 1.2 மில்லியன் மரணங்களுக்கு உடற்பருமன் மற்றும் உடல் எடை அதிகரிப்புக் காரணமாகின்றதாகவும் சுட்டிக்காட்டப்பட்டுள்ளது. அதெசமயம் அமெரிக்கா தவிர்ந்த உலகின் ஏனைய பகுதிகளுடன் ஒப்பிடுகையில் ஐரோப் பாவில் வளர்ந்தோரில் காற் பங்கினர்உடற்பருமனால் பாதிக்கப்பட்டுள்ளதாகவும் கூறப்படுகின்றது.

வெவ்வேறு வகையான 13 புற்று நோய்களுக்கும் இருதய நோய்கள் பலவற்றுக் கும் காரணமான உடற்பருமன் ஆண்டுதோறும் இரண்டு மில்லியன் புற்று நோய்களை ஏற்படுத்துகின்றதாகவும் தெரிவிக்கப்படுகிறது.

இந்நிலையில் உடல் எடை உடற் பருமன் கடந்த ஐந்து தசாப்தங்களில் 138 வீதத்தால் உயர்ந் துள்ளது. ஒரு தொற்று நோயின் கணக்கில் அது பெருகிவருகிறது என்று உலக சுகாதார நிறுவனம் ஓர் அறிக்கையில் தெரிவித்திருக்கிறது.

இனிப்புப் பானங்கள், ஆரோக்கியமற்ற உணவுவகைகளை வீடுகளுக்கு நேரடியாக விநியோகிக்கும் ஒன்-லைன் உணவுச் சந்தைகள், குழந்தைகளிடையே ஒன் லைன் வீடியோ கேம், சோசல் மீடியா போன்றவை உட்பட ஐரோப்பாவின் உச்சபட்சமான டிஜிட்டல் வாழ்க்கை முறைச் சமூகம் போன்ற பலவற்றைக் காரணங்களாகக் காட்டியுள்ள அந்த அறிக்கை, உடற் பருமனைத் தடுப்பதற்கு அவசரமான கொள்கை மாற்றங்கள் அவசியம் என்று தெரிவித்துள்ளது.

இந்நிலையில் அதிக இனிப்புக் கலந்த பானங்கள் உட்பட குழந்தைகளை எட்டுகின்ற ஆரோக்கியமற்ற உணவுகள் மீதுஉச்ச வரி விதிப்பது உட்பட உணவுப்பழக்க வழக்கங்களை மாற்றுகின்ற திட்டங்களை சுகாதார அமைப்பு பரிந்துரைத்திருக்கிறது.

கடந்த 2016 ஆம் ஆண்டுத் தரவுகளின் படி ஐரோப்பாவில் வளர்ந்தவர்களில் 59 வீதமானவர்களும் மூன்றில் ஒரு சிறுவர்களும் உடற்பருமனால் பாதிக்கப்பட்டுள் ளனர்.

அதேவேளை கொரோனாத் தொற்று நோய்முடக்கங்களும் அது தொடர்பான வாழ்வு முறை மாறுதல்களும் உடற் பருமன் வேகமாக அதிகரிப்பதற்குக் காரணமாகியுள்ளன என்றும் தெரிவிக்கப்படுகிறது.

உலக சுகாதார நிறுவனத்தின் ஐரோப் பியப்பிராந்தியம் என்பது ஐரோப்பா, மத்திய ஆசியா அடங்கலாக 53 நாடுகளை உள்ளடக்கியது என்பது இங்கு குறிப்பிடத்தக்கது.