கனடாவில் வானில் மோதிய இரண்டு சிறிய விமானங்கள்

Canada Accident Flight

By Kamal Aug 04, 2026 06:00 PM GMT

Kamal

Report

கனடாவின் பிரிட்டிஷ் கொலம்பியா மாகாணத்தில் உள்ள சில்லிவாக் விமான நிலையத்திற்கு அருகே இரண்டு செஸ்னா வகை சிறிய விமானங்கள் வானில் மோதிக்கொண்ட சம்பவம் தொடர்பாக கனடாவின் போக்குவரத்து பாதுகாப்பு வாரியம் விசாரணையைத் தொடங்கியுள்ளது.

திங்கட்கிழமை இந்த விபத்து இடம்பெற்றதாக வாரியம் வெளியிட்டுள்ள அறிக்கையில் தெரிவிக்கப்பட்டுள்ளது.

சம்பவ இடத்திற்கு விசாரணைக் குழு அனுப்பப்பட்டுள்ளதாகவும், விபத்திற்கான காரணத்தை கண்டறியும் பணிகள் முன்னெடுக்கப்படுவதாகவும் கூறப்பட்டுள்ளது.

கனடாவில் வானில் மோதிய இரண்டு சிறிய விமானங்கள் | Two Planes Crash Mid Air Near Chilliwack Airport

சில்லிவாக் விமான நிலைய அதிகாரி கேரி அட்கின்ஸ் தெரிவித்ததாவது, இரண்டு பயணிகளுடன் சென்ற ஒரு விமானம் மோதலுக்குப் பின்னரும் பாதுகாப்பாக சில்லிவாக் விமான நிலையத்தில் தரையிறங்கியது.

மற்றொரு விமானம் அருகிலுள்ள கல் சுரங்க நீர்த்தேக்கத்தில் விழுந்து மூழ்கியதாகவும், அதில் ஒரே ஒருவர் இருந்ததாகவும் அவர் தெரிவித்தார்.

திங்கட்கிழமை மாலை சுமார் 5.14 மணியளவில் வூல்ஃப் சாலை மற்றும் ஸ்க்வேயே சாலை பகுதிக்கு அவசர மருத்துவக் குழுவினர் அனுப்பப்பட்டனர்.

எனினும், சம்பவத்தில் காயமடைந்த எவரும் மருத்துவமனைக்கு கொண்டு செல்லப்படவில்லை.

இந்தச் சம்பவம் குறித்து காவல்துறையிடம் கருத்து கேட்கப்பட்டிருந்தாலும், உடனடி பதில் எதுவும் வெளியாகவில்லை. சில்லிவாக் நகரம், வாங்கூவர் நகரத்திலிருந்து சுமார் 100 கிலோமீட்டர் கிழக்கே அமைந்துள்ளது.