லங்காசிறி FM
அமெரிக்க அரசு முக்கிய முடிவு ; இனி தீபாவளிக்கு விடுமுறை
Sahana
அமெரிக்காவின் கலிபோர்னியா மாகாணத்தில் தீபாவளி தினம், இனி விடுமுறை பட்டியலில் சேர்க்கப்படுவதாக அம்மாகாண ஆளுநர் கவின் நியூசம் அறிவித்துள்ளார்.
இது இந்தியாவின் தீபாவளி பண்டிகையை, விடுமுறையாக அதிகாரப்பூர்வமாக அங்கீகரித்த அமெரிக்காவின் மூன்றாவது மாகாணமாகும்.
ஏற்கனவே 2024-ல் பென்சில்வேனியாவும், 2025-ல் கனெக்டிகட் மாகாணங்கள் தீபாவளியை அரசு விடுமுறையாக அதிகாரப்பூர்வமாக அங்கீகரித்திருந்தன.
இந்த விடுமுறை மூலம் அரசு பொது கல்லூரிகள், பள்ளிகள் மற்றும் நிறுவனங்களில் பணியாற்றும் ஊழியர்களுக்கும் ஊதியத்துடன் விடுமுறை வழங்க முடியும் என்பது குறிப்பிடத்தக்கது.
முன்னதாக கடந்த செப்டம்பர் மாதம் கலிபோர்னியாவின் சட்டப்பேரவையின் இரு அவைகளிலும் தீபாவளியை அரசு விடுமுறையாக அறிவிக்கும் 'ஏபி 268' என்ற மசோதா வெற்றிகரமாக நிறைவேற்றப்பட்டது.
இந்த மசோதா கவர்னர் கவின் நியூசம் ஒப்புதலுக்கு அனுப்பி வைக்கப்பட்டது. இதனைத்தொடர்ந்து தீபாவளியை அதிகாரப்பூர்வ விடுமுறையாக அறிவிக்கும் 'ஏபி 268' என்ற மசோதாவுக்கு கவின் நியூசம் ஒப்புதல் அளித்து கையெழுத்திட்டார்.
இந்த மசோதாவிற்கு ஒப்புதல் அளித்ததற்காக கலிபோர்னியா கவர்னர் கவின் நியூசமை இந்திய அமெரிக்க மற்றும் இந்து சமூகங்கள் பாராட்டியுள்ளன.
இந்திய வம்சாவளி சட்டமன்ற உறுப்பினர்கள் ஆஷ் கல்ரா மற்றும் டாக்டர் தர்ஷனா படேல் ஆகியோர் இணைந்து இந்த மசோதாவை எழுதி இருந்தது குறிப்பிடத்தக்கது.
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
