லங்காசிறி FM
இளைஞரின் வாய்க்குள் உயிருடன் சென்ற 7 இன்ச் மீன்; அதிர்ந்த மருத்துவர்கள்
Vasanth
கொலம்பியாவைச் சேர்ந்த மருத்துவர் ஒருவர் சுமார் 7 இன்ச் மீன் ஒன்றை மனிதர் ஒருவரின் தொண்டையில் இருந்து எடுக்கும் காணொளி ஒன்று தற்போது வைரலாகி வருகிறது. 24 வயது இளைஞர் ஒருவர் தூண்டில் வீசி மீன் பிடித்து கொண்டிருந்த போதுமுதல் மீன் ஒன்றை பிடித்த இளைஞர், அதனை கைகளில் வைத்துக் கொண்டே, தூண்டிலை வீசிய போது இரண்டாவதாக மற்றுமொரு மீன் சிக்கியுள்ளது.
இதனால் இரண்டையும் தக்க வைக்க இளைஞர் சிரமப்பட்ட நிலையில், கையில் இருக்கும் மீனையும், புதியதாக சிக்கிக் கொண்ட மீன் என இரண்டையும் தவறவிட அவருக்கு விருப்பமில்லை. அதன் காரணமாக, தனது கையில் இருந்த மீனை அவர் தனது வாயில் வைத்து விட்டு, தூண்டிலை சரி செய்து இரண்டாவது மீனை தூக்கப் பார்த்துள்ளார். ஆனால், அங்கு அவர் நினைத்தது நடைபெறவில்லை.
மாறாக, அவரின் வாயில் இருந்த முதல் மீன், விடுபட்டுக் கொள்ள வேண்டி, வாயிலிருந்து விரைவாக நகர்ந்த நிலையில் நேராக அவரது தொண்டைக்குள் இருந்த உணவுக் குழாய்க்குள் சிக்கியுள்ளது. இந்த எதிர்பாராத செயலால், அதிர்ச்சியடைந்த அந்த இளைஞர், யாருடைய உதவியும் இல்லாமல் அவராகவே மருத்துவமனை சென்றுள்ளார். மீன் தொண்டையில் சிக்கிக் கொண்டதால் அவரது பிரச்சனையை மருத்துவர்களிடம் எடுத்துக் கூற கூட அவரால் முடியவில்லை. இதனை அடுத்து வேகமாக அவருக்கு மருத்துவர்கள் ஸ்கேன் எடுத்தபோதுதான் மீன் சிக்கியது தெரியவந்துள்ளது.
அதன் பின்னர் மீனை தொண்டையில் இருந்து மருத்துவர்கள் அகற்றியுள்ளனர். இந்நிலையில் அந்த இளைஞரின் உணவுக் குழாயில் சிக்கியிருந்த மீனை மருத்துவர்கள் வெளியே எடுக்கும் வீடியோ ஒன்று தற்போது அதிகம் வைரலாகி பரபரப்பை ஏற்படுத்தி வருகிறது.
இரண்டு தினங்களுக்கு மேல் அந்த இளைஞர் மருத்துவமனையில் இருந்த நிலையில், அதிர்ஷ்டவசமாக அவருக்கு பெரிய அளவில் காயங்கள் எதுவும் ஏற்படவில்லை என மருத்துவர்கள் தெரிவித்தனர்.
சரவணை கிழக்கு, நியூ யோர்க், United States, கோண்டாவில் கிழக்கு
30 Jun, 2025
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
