லங்காசிறி FM
கனடாவில் இடம்பெற்ற வாகன விபத்தில் இரண்டு பேர் பலி
Kamal
கனடாவின் சென் போல் நகரத்தின் மேற்குப் பகுதியில் திங்கட்கிழமை இடம்பெற்ற கடுமையான சாலை விபத்தில் இருவர் உயிரிழந்ததுடன், மேலும் இருவர் உயிருக்கு ஆபத்தான காயங்களுடன் மருத்துவமனையில் அனுமதிக்கப்பட்டுள்ளனர்.
பொலிஸார் வெளியிட்ட தகவலின்படி, கிழக்கு திசையில் ஹைவே 29 வழியாக சென்றுகொண்டிருந்த குப்பை லாரி, தெற்கு திசைக்கு திரும்ப முயன்ற - டிரெய்லர் வாகனத்தை தவிர்க்கும் முயற்சியில் எதிர்திசை பாதைக்கு விலகியது.
மேலதிக விசாரணை
இதன் போது மேற்கு திசையில் வந்த SUV வாகனத்துடன் நேருக்கு நேர் மோதியது. இந்த விபத்தில் SUV வாகனத்தை ஓட்டிச் சென்ற 36 வயதுடைய பெண் மற்றும் முன்பக்க பயணியாக இருந்த 44 வயதுடைய ஆண் சம்பவ இடத்திலேயே உயிரிழந்தனர்.
பின்னிருக்கையில் இருந்த 29 மற்றும் 38 வயதுடைய இரண்டு பெண்களை அவசர சேவைப் பணியாளர்கள் வாகனத்திலிருந்து மீட்டெடுத்து மருத்துவமனைக்கு அனுப்பினர்.
அவர்கள் இருவரும் உயிருக்கு ஆபத்தான காயங்களுடன் சிகிச்சை பெற்று வருகின்றனர். 53 வயதுடைய குப்பை லாரி ஓட்டுநர், Range Road 105 மற்றும் 110 இடைப்பட்ட பகுதியில் சம்பவ இடத்திலேயே சிகிச்சை பெற்றதாக தெரிவிக்கப்பட்டுள்ளது.
விபத்துக்குப் பின்னர் விசாரணை மற்றும் சாலையில் சிதறிய அவசரப் பொருட்களை அகற்றும் பணிகளுக்காக அந்த நெடுஞ்சாலை பல மணி நேரங்கள் மூடப்பட்டிருந்தது.
இந்த விபத்து தொடர்பான மேலதிக விசாரணைகள் தொடர்ந்து நடைபெற்று வருகின்றன.
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
நெடுந்தீவு மேற்கு, பாண்டியன்குளம், வவுனியா, வெள்ளவத்தை, பிரான்ஸ், France
03 Mar, 2022
Kuala Lumpur, Malaysia, உரும்பிராய், Ilford, United Kingdom
12 Mar, 2025
