லங்காசிறி FM
அமெரிக்க கடல் பகுதியில் எண்ணெய் மற்றும் எரிவாயு அகழ்விற்காக தடை விதித்த பைடன்!
Sahana
அமெரிக்காவின் பெரும்பாலான கடற் பகுதியில் எண்ணெய் மற்றும் எரிவாயு அகழ்வுக்கு தடை விதிப்பதாக அமெரிக்க ஜனாதிபதி ஜோ பைடன் திங்களன்று (06) அறிவித்துள்ளார்.
பைடன் அறிவித்த தடையானது முழு அட்லாண்டிக் கடற்கரை மற்றும் மெக்ஸிகோவின் கிழக்கு வளைகுடாவையும், அதே போல் கலிபோர்னியா, ஓரிகான் மற்றும் வொஷிங்டன் மற்றும் அலாஸ்காவில் உள்ள பெரிங் கடலின் ஒரு பகுதியையும் உள்ள பசுபிக் கடற்கரையையும் உள்ளடக்கியது.
டெனால்ட் ட்ரம்ப், தனது தேர்தல் பிரச்சாரத்தின் போது, எரிவாயு செலவைக் குறைக்கும் முயற்சியில் உள்நாட்டு புதைபடிவ எரிபொருள் உற்பத்தியை “கட்டவிழ்த்து விடுவதாக” உறுதியளித்திருந்தார்.
இந்த நிலையில், அமெரிக்காவின் அடுத்த ஜனாதிபதியாக ட்ரம்ப் பதவியேற்பதற்கு இன்னும் சில நாட்கள் உள்ள நிலையில் இந்த பைடனின் மேற்கண்ட புதிய நிர்வாக உத்தரவு வந்துள்ளது.
எனினும் புதிய தடை எப்போது அமுல்படுத்தப்படும் என்ற திகதி குறிப்பிடப்படவில்லை. ட்ரம்ப் இந்த மாத இறுதியில் பதவியேற்கும் போது பைடனின் பாதுகாப்பு மற்றும் காலநிலை மாற்றக் கொள்கைகளை மாற்றியமைப்பதாக உறுதியளித்துள்ளார்.
பைடன் 1953 ஆம் ஆண்டின் வெளிப்புற கான்டினென்டல் ஷெல்ஃப் நிலங்கள் சட்டத்தின் (Outer Continental Shelf Lands Act) கீழ் நடவடிக்கை எடுத்து வருகிறார். இது ஜனாதிபதிகள் கனிம குத்தகை மற்றும் துளையிடுதலில் இருந்து பகுதிகளை திரும்பப் பெற அனுமதிக்கிறது.
எவ்வாறெனினும் 2019 நீதிமன்ற தீர்ப்பின்படி, முந்தைய தடைகளை இரத்து செய்வதற்கான சட்டப்பூர்வ அதிகாரத்தை சட்டம் அவர்களுக்கு வழங்கவில்லை.
2032 ஆம் ஆண்டு வரை புளோரிடா கடற்கரையில் கிழக்கு மெக்ஸிகோ வளைகுடாவில் கடல் துளையிடல் உரிமைகளை விற்பனை செய்வதைத் தடை செய்ய ட்ரம்ப் இந்த சட்டத்தைப் பயன்படுத்தியிருந்தமையும் குறிப்பிடத்தக்கது.
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
வல்வெட்டித்துறை, காரைதீவு, மட்டக்களப்பு, முல்லைத்தீவு, Markham, Canada
09 Dec, 2024
நெடுந்தீவு, யாழ்ப்பாணம், மாத்தளை, மட்டக்களப்பு, கல்முனை, கிளிநொச்சி, கொழும்பு
05 Jan, 2025
புங்குடுதீவு, Le Blanc-Mesnil, France
09 Dec, 2022
சிறுப்பிட்டி, புதுக்குளம், பிரித்தானியா, United Kingdom, சின்னக்கடை
06 Jan, 2020
Klang, Malaysia, யாழ்ப்பாணம், கலிஃபோர்னியா, United States
08 Jan, 2022
சரவணை மேற்கு, கரம்பொன் மேற்கு, ஊர்காவற்துறை, பேர்லின், Germany
05 Jan, 2022