லங்காசிறி FM
பள்ளி ஊழியர்கள் சிறு பிள்ளைகளை லாக்கரில் அடைத்த விவகாரம்: அமைச்சர் கண்டனம்
Staff from a primary school in Quebec, allegedly shut children in a metal locker to calm them down: சிறார் பள்ளி ஒன்றில், பள்ளி ஊழியர்கள் சிறு பிள்ளைகளை லாக்கரில் அடைத்ததாகக் கூறப்படும் விவகாரம் கடும் சர்ச்சையை உருவாக்கியுள்ளது.
கனடாவின் கியூபெக் மாகாணத்திலுள்ள பள்ளி ஒன்றின் ஊழியர்கள், சிறுபிள்ளைகளை அமைதிப்படுத்துவதற்காக அவர்களை இரும்பு லாக்கரில் அடைத்ததாக கூறப்படும் விடயம் பெரும் பரபரப்பை உருவாக்கியுள்ளது.
கியூபெக் மாகாணத்தில், Blainville என்னுமிடத்தில் அமைந்துள்ளது Envolée Primary School என்னும் பள்ளி. அந்தப் பள்ளியில் படிக்கும் ஐந்து முதல் ஏழு வயது வரையுள்ள சிறார்களை, அந்தப் பள்ளி ஊழியர்கள் இரும்பு லாக்கரில் அடைத்ததாக CHMP-FM என்னும் வானொலி வெளியிட்ட செய்தியில் தெரிவிக்கப்பட்டுள்ளது.
இந்த தகவலை The Centre de services scolaire des Mille-Îles (CSSMI) என்னும் கல்வி அமைப்பும் உறுதி செய்துள்ளது.
அத்துடன், பிள்ளைகள் அடைக்கப்பட்டதாக கூறப்படும் லாக்கரின் புகைப்படங்களும் வெளியாக, பெரும் பரபரப்பு உருவாகியுள்ளது.
உடனடியாக பொலிசார் அந்த சம்பவம் தொடர்பில் விசாரணை ஒன்றைத் துவக்கிய நிலையில், அந்த பள்ளியில் பணிபுரியும் ஒரு ஆசிரியை உட்பட நான்கு ஊழியர்கள் பணியிடை நீக்கம் செய்யப்பட்டுள்ளதாக CSSMI தெரிவித்துள்ளது.
இந்நிலையில், இந்த சம்பவத்துக்கு கடும் கண்டனம் தெரிவித்துள்ள கியூபெக் கல்வி அமைச்சரான ஜோயல் (Joël Arseneau ), பள்ளிகளில் இப்படிப்பட்ட நடைமுறைகள் பின்பற்றப்படுவது குறித்து அறிந்து தான் அதிர்ச்சியடைந்ததாக தெரிவித்துள்ளார்.
சமூக ஊடகமான எக்ஸில் அவர் பதிவிட்டுள்ள செய்தி ஒன்றில், எந்த சூழ்நிலையிலும் மாணவர்கள் இப்படி லாக்கர்களில் அடைக்கப்படக்கூடாது என்று கூறியுள்ளதுடன், இதுபோன்ற விடயங்கள் தொடர்பில் தேவையான அனைத்து நடவடிக்கைகளும் எடுக்கப்படும் என்றும் கூறியுள்ளார்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
