லங்காசிறி FM
பிரான்சில் முதல் முறையாக ஒரு ஆணையத்தின் தலைவராக பெண் ஒருவரை நியமிப்பு
வத்திக்கான் அலுவலகத்திற்கு தலைமை தாங்கும் முதல் பெண்மணியின் பெயரை போப் பிரான்சிஸ் அறிவித்தார்.
கத்தோலிக்க திருச்சபையின் அனைத்து மத ஒழுங்குகளுக்கும் பொறுப்பான திணைக்களத்தின் தலைவராக இத்தாலிய கன்னியாஸ்திரி சகோதரி சிமோனா பிரம்பிலாவை நியமிக்கப்பட்டார்.
இந்த நியமனம், தேவாலயத்தை நிர்வகிப்பதில் பெண்களுக்கு அதிக தலைமைப் பாத்திரங்களை வழங்குவதற்கான பிரான்சிஸின் நோக்கத்தில் ஒரு முக்கிய படியைக் குறிக்கிறது. இருப்பினும், போப்பாண்டவர் பெண் பாதிரியார்களுக்கான தடையை உறுதிப்படுத்தியுள்ளார்.
சகோதரி பிரம்பில்லா ஒவ்வொரு மத ஒழுங்கையும் மேற்பார்வை செய்வார். கத்தோலிக்கத் திருச்சபையின் மைய ஆளும் அமைப்பான ஹோலி சீ க்யூரியாவின் சபையின் தலைமைக்கு இதற்கு முன் ஒரு பெண் தெரிவாகவில்லை.
இதுவே முதல் முறையாகும். 59 வயதான பிரம்பில்லா, கன்சோலாட்டா மிஷனரிஸ் மத அமைப்பில் உறுப்பினராக உள்ளார். 2011 ஆம் ஆண்டு முதல் தேவஸ்தானத்தை வழிநடத்தி வரும் 77 வயதான பிரேசிலிய கார்டினல் ஜோவா ப்ராஸ் டி அவிஸுக்குப் பிறகு சகோதரி பிரம்பில்லா பதவியேற்றார்.
கன்னியாஸ்திரிகள் பள்ளிகள் மற்றும் மருத்துவமனைகளில் தேவாலயத்தின் வேலைகளில் பெரும்பகுதியில் சேவை செய்கின்றனர். அதே போல் எதிர்கால சந்ததியினருக்கு நம்பிக்கையைக் கடத்தவும் வேலை செய்கிறார்கள்.
இருப்பினும், ஆண்களுக்கு ஒதுக்கும் ஒரு நிறுவனத்தில் இரண்டாம் தர நிலையில் பெண்கள் இருப்பதாக பலர் புகார் கூறுகின்றனர். போப் பிரான்சிஸ் திருத்தந்தையின் காலத்தில், தலைமைப் பதவிகளில் இருந்த பெண்களின் எண்ணிக்கை, 2013ல் 19.3% ஆக இருந்தது, இன்று 23.4% ஆக உயர்ந்துள்ளது என்று வாடிகன் செய்திகள் தெரிவிக்கின்றன.
வத்திக்கான் நகரத்தின் முதல் பெண் பொதுச் செயலாளர், சுகாதாரப் பாதுகாப்பு அமைப்பு, காவல் படை மற்றும் வாடிகன் அருங்காட்சியகங்களுக்குப் பொறுப்பு என ஏனைய பிரிவுகளிலும் கன்னியாஸ்திரிகள் தலைமைப் பொறுப்பை வகிக்கிறார்கள்.
சிமோனா பிரம்பிலா மார்ச் 27, 1965 இல் இத்தாலியில் உள்ள மோன்சாவில் பிறந்தார். 1988 இல் கன்சோலாட்டா பிரிவில் நுழைவதற்கு முன்பு தாதியர் பட்டம் பெற்றார். ரோமின் போன்டிஃபிகல் கிரிகோரியன் பல்கலைக்கழகத்தில் உளவியல் பயின்றார்.
மேலும் 1999 இல், இறுதி உறுதி எடுத்த பின்னர் மொசாம்பிக் பணியாற்றினார். 2008 ஆம் ஆண்டு கிரிகோரியன் பல்கலைக்கழகத்தில் உளவியலில் முனைவர் பட்டம் பெற்றார். அவர் 2011 முதல் மே 2023 வரை கன்சோலாட்டா மிஷனரி சகோதரிகளின் மேலாளராக இரண்டு முறை பணியாற்றினார்.
கார்டினல் பெர்னாண்டஸ் ஆர்டைம், சலேசியர்களுக்கு மேலான பதவிக்காலம் முடிவடைந்த ஆகஸ்ட் மாதத்திலிருந்து திருத்தந்தையின் பணிக்காகக் காத்திருக்கிறார்.
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
