ஜேர்மனியின் கொண்டாட்டத்தில் கத்திக்குத்து ; சம்பவத்தால் அதிர்ச்சி

  ஜேர்மனியின் சொலிங்ஜென் (Solingen)  நகரில் இடம்பெற்ற கத்திக்குத்து தாக்குதலில் மூவர் கொல்லப்பட்டுள்ளதுடன் நால்வர் படுகாயமடைந்துள்ளதாக தெரிவிக்கப்படுகின்றது.

  வெள்ளிக்கிழமை உள்ளூர் நேரப்படி இரவு 10 மணியளவில் (20:00 GMT) அடையாளம் தெரியாத நபர் ஒருவர் கத்தியால் பலரைத் தாக்கியதாகவும், குற்றவாளி தலைமறைவாக இருப்பதாகவும் போலீஸார் தெரிவித்தனர்.

சோலிங்கனின் 650வது ஆண்டு விழா

சோலிங்கனின் (Solingen) 650வது ஆண்டு விழாவைக் கொண்டாடும் விழாவில் இந்தத் தாக்குதல் நடந்ததாக போலீஸார் தெரிவித்தனர்.

சோலிங்கனில் (Solingen)  உள்ள ஃபிரான்ஹோஃப் என்ற சந்தை சதுக்கத்தில் நேரடி இசை நடைபெற்றுக் கொண்டிருந்த இடத்தில் இந்தத் தாக்குதல் நடந்தது. அதேவேளை ஜேர்மனியில் கொடிய குத்தல்கள் மற்றும் துப்பாக்கிச் சூடு சம்பவங்கள் ஒப்பீட்டளவில் அரிதானவை.

“எங்கள் நகரத்தின் மீது தாக்குதல் நடத்தப்பட்டது என்பது என் இதயத்தை துண்டாடுகிறது. நாம் இழந்தவர்களை நினைக்கும் போது என் கண்களில் கண்ணீர் வருகிறது" என்று சோலிங்கன் (Solingen)  மேயர் டிம்-ஆலிவர் குர்ஸ்பாக் ஒரு அறிக்கையில் தெரிவித்துள்ளார்.

"இன்னும் உயிருக்குப் போராடும் அனைவருக்கும் நான் பிரார்த்தனை செய்கிறேன்." “இன்று மாலை, நாங்கள் அனைவரும் சோலிங்கனில் அதிர்ச்சி, திகில் மற்றும் பெரும் சோகத்தை எதிர்கொள்கிறோம். நாங்கள் அனைவரும் எங்கள் நகரத்தின் ஆண்டுவிழாவை ஒன்றாகக் கொண்டாட விரும்பினோம், இப்போது நாங்கள் இறந்த மற்றும் காயமடைந்தவர்களுக்கு துக்கம் காட்ட வேண்டும், என கூறியுள்ளார்.

தாக்குதலை மேற்கொண்ட நபர் இன்னமும் கைதுசெய்யப்படவில்லை என தகவல்கள் வெளியாகியுள்ளன. சந்தேக நபர் கண்மூடித்தனமாக ஏனையவர்கள் மீது கத்திக்குத்தினை மேற்கொண்டார் என தகவல்கள் வெளியாகியுள்ளன.